မမ

Tuesday, October 20, 2009

မစ္စတာ ဘင်း၏ အလွဲများ(၂ )






ကျမတို့ မစ္စဘင်းအကြောင်း တစ်ယောက်တစ်ပေါက်ပြောဆို ရီမောနေတုန်းမှာပဲ မငယ်ဖုန်းဝင်လာတယ် “နောက်ဆုံးလေယဉ် လူကုန်နေပြီ မတွေ့သေးဘူး” တဲ့ စိတ်ရှည်လက်ရှည် စောင့်ပါဟာ အချစ်စစ်တို့မည်သည် ကွေ့ကွင်းရာခြင်း မရှိ ဆိုက်ဆိုက် မြိုက်မြိုက် ကြီးကိုရောက်လာမှာ ပူမနေနဲ့ ” လို့ကျမပြောတော့ “သူ့မဟေသီ ငါ့အနားမှာရွတ်-ဘတ် လုပ်နေတယ်ဟာ သနားပါတယ်တဲ့ ကူညီတဲ့သူတွေက ကူညီတာတောင် အသုံးတစက်မှမကြ ဘူးလာရင်တွေ့ မယ်လို့ လဲပြောနေတယ် မစ္စတာဘင်းတော့သနားပါတယ်”တဲ့“ကျမအံ့သြတကြီး နင်ဘယ်လိုခေါ်လိုက်တယ် သူနံမယ် ဘယ်သူလို့ ကျမမေးတော့ တို့တအိမ်လုံး ကမစ္စာဘင်းပဲ ခေါ်တာ” တဲ့ “ကျမ မနေနိုင်တော့ဘူး ဒီမှာမငယ် မစ္စတာဘင်း ဒီမှာရောက် နေပြီ အိမ်အောက်မှာ ကွမ်းသီးဆင်းဝယ်နေတယ် နင်ကြောင့် တို့တွေလဲ ငါးပိတယောက် တစ်ထုပ်စီရတယ်” လို့ ကျမပြောတော့ မငယ် ကြောင်ပြီးအသံတိတ် နေတယ်။ခနကြာတော့မှ “မမ ငါ့ကြောင့် နင်တစ်ညလုံးပျော် နေခဲ့တယ် နင်တစ်ခါမှ မမက်ဖူးတဲ့ အိမ်မက်လှလှ ကိုမက်ဖူးခဲ့တယ် ငါနင့်ကိုအပျော်တွေပဲ ပေးခဲ့တာနော် နင့်ကြောင့် ငါတို့ဘယ်လောက်စိတ် ဆင်းရဲရလဲ ပွက်လောကိုရိုက် နေတာပဲ ကြပ်တာခြင်းတူရင်တောင် ငါ့လို့ကြပ်တတ်အောင်ကြိုးစား သေချာ နင်စဉ်းစားပြီးရင် ငါ့ကို ဆရာလို့ သုံးခွန်းလေးလေးစားစား ခေါ်လိုက်ပါတဲ့” မတရားတင်းနေတဲ့ လေသံနဲ့ ပြောပြီးဖုန်းချသွားလေရဲ့ အောင်မာ မခေါ်နိူင်ပါဘူးလို့ ကျမစိတ်ထဲကမကျေမနပ် ရေရွတ်လိုက်တုန်း မှာပဲဘဲလ်တီးသံ နဲ့အတူ မစ္စတာဘင်းပြန် ရောက်လာတယ်။ကျမတို့ အားလုံးဝမ်းသာအားရ“ အကိုဝယ်လို့ရလားလို့” ကျမတို့မေးတော့ ကွမ်းသီးထုပ်လေးပြတယ်။“ကျနော်ကိုတွေ့တာနဲ့ ဘိုလိုတန်းတော့ တော့တာပဲ ကွမ်းသီးစ် လို့ ပီပီသသ ပြောတာ လေးငါးဆယ်ခွန်းပဲ နားမလည်ဘူးဗျ ကွမ်းရွက်ပြပြီး ကွမ်းရွက်ထဲထည့်တဲ့ ပုံလုပ်ပြမှ ကွမ်းသီးဘူးကြီး ယူလာပြတော့တာပဲ ကျမတို့သူ့လေသံနဲ့သူ့ဟန်ကိုကြည့်ရင်းရယ်ကြတယ်“အကို ဘယ်လိုအလုပ်မျိုးကို ရှာတာလဲလို့” ကျမတို့ ၀ိုင်းမေးတော့ “မီးနဲ့ပတ်သက်ရင် ကျနော် အကုန်ရတယ် အဲကွန်း ရေခဲသေတ္တာ ကျနော် အကုန်ပြင်တတ်တယ် ကျနော် ဆယ်နှစ်သားထဲက ဒီအလုပ်ပဲ တလျောက်လုံး လုပ်လာခဲ့တာဗျာတဲ့” နိုင်ငံခြားထွက်လာဘို့ ဘယ်သူမြှောက်ပေးတာလဲလို့ ကျမတို့မေးတော့“ကျနော့ မိန်းမပေါ့ဗျာ ကျနော်ကရန်ကုန်မှာ သင်တန်းလဲပေးတယ် ဆိုင်လဲဖွင့်ထားတာ ဆိုတော့ ကျနော့်တပည့် သုံးယောက်လောက် စင်္ကာပူ ရောက်နေပြီခင်ဗျာ့ လူငယ်တွေပဲ နှစ်ဆယ် ကျော်တွေပေါ့ သူတို့ဒီရောက်ပြီး အဆင်ပြေတယ် ဆိုတော့ကျနော့မိန်းမ ဖြတ်ဖြတ်လူးတော့ တာပဲ တစ်နေ့တစ်နေ့ နားညီးအောင်နိူင်ငံခြား သွားခိုင်းတော့တာဗျာ ရန်ကုန်မှတော့ အတည်တကျ လူရိုသေရှင်ရိုသေ အလုပ်ကလေးတစ်ခုပြစရာ ရှိတာကလွဲလို့ ရရစားစားပါပဲဗျာ”“ကျနော် ဒီကညီမတွေ ဆိုင်အသစ်ဖွင့်လို့ တဆိုင်လုံး မီးဆင်ပေးရင်း မငယ်နဲ့ရင်းနှီးတယ် သူကသွားပါလားဘာညာ ပြောတာနဲ့မိန်းမကိုပြန်ပြော တော့ လေယဉ်ပေါ်ရောက်လာတာ ပဲဗျာတဲ့” သူပြောတာကိုနားထောင်နေရင်း မလတ်က “အကိုမနက်ဖြန် ကျမတို့ အဲကွန်းတွေအကုန် ဆာဗစ်စင် လုပ်ပေးလေ တစ်လုံးနှစ်ဆယ် ပေးမယ် အလုပ်စရတာပေါ့” လို့ပြောတော့ “ကျနော်ပိုက်ဆံ မယူပါဘူးဗျာ လိုအပ်တာ သာဝယ်ပေး ကျနော်လုပ်ပေးမယ်”တဲ့ ကွမ်းကိုငုံရင်းဖြေးဖြေးမှန်မှန် ပြောနေတဲ့သူ့ကိုစိတ်ဝင်တစား ကြည့်နေကြတုန်း မှာပဲ အိမ်ဖုန်းမည်သံက အားလုံးရဲ့ အာရုံကိုပြောင်းပေးလိုက်သလိုပဲ ကျမရဲ့ ဟယ်လိုဆိုတဲ့ အသံကိုဖုံးလွမ်းသွားအောင် စွာတေးလန်ပြာယာ ခတ်နေတဲ့ အသံကြောင့် အကိုအစ်ကိုမဟေသီ ခိုင်သင်းကြည်လို့ ကျမအော်ရင်း မစ္စတာဘင်းလက်ထဲ ဖုန်းပေးလိုက်တယ် ဆို ရောက်ကထဲက ရောင်နနနဲ့ တစိမ်းမိန်းမတွေကြားမှာ အားငယ်နေတဲ့ မျက်နှာရုတ်ချည်းကွယ်ပျောက်လို့ ၀င်းပသွားတော့ တယ်။မစ္စတာဘင်း ပြောဆိုနေသံများ “ဟေဟုတ်လား”“သူတို့နောက်တာလား ကြီးကြီးပြောထားသားပဲ မင်းညီမတွေက တော်ယုံလူ သီးမခံနိုင်အောင် အနောက်သန်တယ်လို့လေ” “အော် အခုလေ ဆိပ်နားကဆက်တာပေါ့” “အေးအေး ဆေးဆေးပါပဲ အငယ်ဆုံးမလေးလာကြိုတာ”“ဟုတ်တယ် ဟုတ်တယ်” “အကုန်ပေးလိုက်ပြီ”“စိတ်ချပါ အခုနတောင် ကွမ်းသီးသွားဝယ်သေးတယ်” “တစ်ယောက်ထဲပေါ့ ကိုဖာသာပြောရတာပေါ့ ရခဲ့တယ်” “အလတ်မလေး ရှာပေးမယ်တဲ့ ရမှာပါ”“စိတ်မပူနဲ့ အားလုံးအဆင်ပြေ ပါတယ် တအိမ်လုံးမိန်းခလေးတွေ ကြီးပဲ ခလေးတွေကြီးပဲ” “အေးပါ အေးပါ ပြန်တော့ ပြန်တော့”သူအသံကိုအားလုံးစိတ်ဝင်တစား နားထောင်နေရင်း တအိမ်လုံးခလေးတွေ ကြီးပဲဆိုတော့ မလတ်ကစပြီးတခိခိ ရယ်တော့ ကျမတို့လဲလိုက်ရယ်ကြရင်း တို့တွေတော့ အဖေတစ်ယောက်ကောက်ရပြီလို့ ကျမကပြောလိုက်တယ်။

အဲလိုနဲ့ မနက်မိုးလင်းတိုင်း ကျမတို့ရဲ့ ဘုရားစင်ရှေ့ မှာဘုရားရှစ်ခိုးသံနဲ့အတူ ကြေးစည်သံ တဝေေ၀နဲ့ကျမတို့ နိူးထလာရတော့တယ်။မနက်ငါးနာရီ လောက်ဆိုနိူးပြီ သူဖာသာ ကော်ဖီပေါင်မုန့် တခုခုမနက်စာစားပြီး အိမ်နားကကုလားဆိုင်လေးမှာ သတင်းစာသွားဝယ်ထားတယ်။ကြုံတဲ့သူက တစ်ယောက်တလှည့် သူ့ရနိူင်မဲ့အလုပ်တွေကို မှင်နီနဲ့ ၀ိုင်းပေးထားတယ် ခက်တာကအိမ်မှာ ယောက်င်္ကျားလေး မရှိဘူး သူ့ကိုဖုန်းနဲ့ ဗျူးပေးမဲ့သူမရှိဘူး ကျမတို့တယောက်တလှည့် ဆက်ပြန်တော့လဲ လုပ်မဲ့သူနဲ့ပြောချင်တယ် ဆိုတာချဉ်းပဲ သူ့ဖုန်းထိုးပေးတော့လဲ ခေါင်းခါခါ လည်ခါခါနဲ့ မပြောချင်ဘူးချည်း ပဲကျမတို့တွေ ဘာဆက်လုပ်ရမှန်းမသိအောင်ကို ဦးနှောက်ခြောက်တော့တာပဲ။
အဲ မလတ်ကပြောတာ သူလူကြောက်တာတဲ့ သူ့ကိုလူမကြောက်အောင် အရင်လုပ်ရမယ်တဲ့ ကျမတို့အိမ် မှာ အားလုံးအတူတူချက်စားကြတယ် ပင်တိုင်ချက်တာက ကျမပေါ့ အလိုနဲ့အိမ်နဲ့ မနီးမဝေးဈေးလေးမှာ သူ့ကို မနက်တိုင်း လိုအပ်တာတွေ ရေးပေးပြီးဈေးဝယ်ခိုင်းတယ် ပထမတော့ အင်တင်တင်နဲ့ နောက်တော့မိုးလင်းတာနဲ့ ဈေးဝယ်ဖို့အဆင်သင့် ဖြစ်နေပြီ ဟောင်းမတ်ခ်ျတို့ အိုင်အမ်မြန်မာတို့ အိုင်ကမ်းဖရွန်မြန်မာတို့ ဟောင်းအာယူတို့ ဟယ်လိုအန်တီတို့ ပေါပေါ များများသုံးတတ်လာပြီ ဈေးပြန်လာတာနဲ့ လ္ဘက်ရည်အီကြာကွေ့ပူပူ နွေးနွေးတွေပါလာတတ်ပြီ ဟိုအရင်က စနေတင်္နဂနွေ လောက်သာစားရတဲ့ အီကြာကွေ့နဲ့လ္ဘက် ရည်မနက်တိုင်းသောက်ရတာနဲ့ တင်သူဟာဒီအိမ်တစ်လုံးအတွက် အရေးပါလှနေပြီ။
နောက်တစ်နေ့မှာတော့ မလတ်ကသူ့ရုံးကို ပစ္စည်းတစ်ခုမေ့ကျန်ခဲ့တယ်အကြောင်းပြပြီ သူ့ကိုအရေးတကြီး လာပို့ဘို့အကူအညီတောင်းတယ် သူအကြောက်အကန်ငြင်းရင်းကပဲ အိမ်နဲ့ တစ်ဆယ့်ငါးဘူတာလောက် ဝေးတဲ့မလတ်ရှိရာကို တစ်ယောက်ထဲ ရောက်သွားတော့တယ် နောက်များတော့ အိမ်မှာရှိတဲ့ လူအကုန်တစ်နေ့တမျိုး အကြောင်းပြပြီး သူကိုခေါ်တယ်။မြန်မာတွေရှိတဲ့ ပင်နီဆိုးလား ကိုခနခန ပစ္စည်းသွားဝယ်ခိုင်းတယ် ရောက်တဲ့နေရာကနေ ဖုန်းနဲ့တဂွမ်ဂွမ် ဆက်သွယ်ရင်းကပဲ အတော်လေးသွားတတ်လာတတ်နေပြီ။
အလိုနဲ့ပဲ မစ္စတာဘင်းတစ်ယောက် အင်တာဗျူးတွေ စ၀င်ပါတော့တယ်ရှင်။
သတင်းစာကနေခေါ်တာတွေ ကသူ့အတွက်ဘယ်လိုမှကို အဆင်မပြေနိူင်တဲ့အတွက် အရပ်ကူပါလူဝိုင်းပါ နီးစပ်ရာတွေပြောရင်း လုပ်သက် အနှစ်၂၀ နီးပါးရှိကြောင်းလုပ်ငန်း အမတန်မှကျွမ်းကျင်ပါ ကြောင်း ဆိုတဲ့ အာမခံချက်တွေနဲ့ အင်တာဗျုး ၅ခုလောက်ဝင်ပြီးတော့ အဲကွန်းရေခဲသေတ္တာပြင်တဲ့ ကုမဏီ သေးသေး လေးတခုမှာအစမ်းခန့် အနေနဲ့ ပထမဦးဆုံးတပတ် စဆင်းခိုင်းပါတော့တယ်။
မိုးလင်းကထဲကအလုပ်ဆင်းဘို့ တက်ကြွနေတဲ့မစ္စတာဘင်းကို ကြည့်ပြီးအားလုံးဝမ်းသာနေကြတယ်၊ညနေအလုပ်ပြန်လာချိန် မှာတော့ မစ္စတာဘင်းသိပ်တက်ကြွ မူ့ မရှိတော့ဘူး ပြည်ကြီးတရုတ် တွေနဲ့ လက်တွဲလုပ်ရတဲ့ အတွက် တစ်ချိန်လုံးဆဲဆိုအော်ဟစ် သံတွေကြားမှာစိတ်ဓါတ်ကျနေပုံရတယ် သူများနောက်ကအလုပ်သင် သဘောမျိုးဖြစ်တဲ့အတွက် လဲ လိုအပ်တဲ့ပစ္စည်းတွေတောင်းတိုင်း ပစ္စည်းအခေါ်အဝေါ်တွေ မကြွမ်းကျင်မူ့ လေယူလေသိမ်းနားမလည် မူ့တွေကြောင့်အမှားမှားအယွင်းယွင်းနဲ့ တစ်နေ့တစ်နေ့ ဆဲဆိုကြိမ်းမောင်းခံနေရပုံ ပေါ်တယ်။
အဲလိုနဲ့ လေးရက်မြှောက်တဲ့ နေ့မှာတော့ မစ္စတာဘင်း အလုပ်မသွားတော့ဘူး ကျမနဲ့ မော်လမြိုင်သူက “အစ်ကို အလုပ်မသွားဘူးလားလို့ မေးတော့” “မဆင်းတော့ ဘူးပြောခဲ့ပြီဗျာတဲ့” “အစ်ကိုလုပ်ထားတဲ့ လုပ်ခရောရခဲ့လားဆိုတော့”မယူတော့ဘူး လုပ်အားပေးလို့ပြောခဲ့တယ်တဲ့” “အစ်ကိုဘယ်လိုပြောခဲ့ လဲဆိုတော့” “မြန်မာလိုပဲပြောခဲ့တာတဲ့”“အဆင်မပြေပါဘူးဗျာ လူရိုင်းတွေဗျ ပြောလို့ဆိုလို့မကောင်းဘူး မနေ့ကလဲပြသနာဖြစ်တယ် ကျုပ်သီးမခံနိူင်တဲ့အဆုံး မန်နေဂျာမကိုသွားတိုင်လိုက်တယ်”တဲ့ “ဟာ လုပ်စမ်းပါဦးဘာတွေဖြစ် လို့ အစ်ကိုက ဘယ်လိုသွားတိုင်လဲ သေသေချာချာ အမူအရာ အတိအကျ ပြောပြစမ်းပါဦး” လို့ကျမတို့စိတ်ဝင်တစားမေးတော့ “မနေ့က ထမင်းစားနေတုန်း ဖိုမင်တရုတ် အော်ကြီးဟစ်ကျယ်နဲ့ ကျူပ်ကိုလာဆူတယ် သူဘာဖြစ်တယ် ဘာပြောတယ်ကျုပ်မသိဘူး ပြီးတော့ ကျုပ်ကားကို ဘုန်းဘုန်းထုတယ် ခြေထောက်နဲ့လဲကန်တယ် ပြီးတော့ ဆဲတယ်ဗျာ” “ကျုပ်လဲ လုံးဝသီးမခံနိုင်တဲ့ အဆုံးမန်နေဂျာမ စားပွဲကိုသွားပြီး သူလုပ်တဲ့ပုံစံအတိုင်းလုပ်ပြတယ် သူပြောတဲ့အတိုင်းပြော လိုက်တာပဲ မန်နေဂျာမကတော့ ပြူးတိပြူးကြောင် ကျုပ်ကိုကြည့် ကျန်ခဲ့တာပဲ ” တဲ့ “ဟာအစ်ကို ဒေါသတွေထွက်တာပေါ့ ဟုတ်လားမန်နေဂျာမကို ဘယ်လိုပြောလိုက်လဲ သူနားလည်ရဲ့လား ကျမတို့ကို အတိအကျပြန်ပြော ပြပါလား” လို့ကျမတို့စိတ်ဝင်တစားမေးတော့ “ဒေါသကလဲ ထွက်နေတော့ စားပွဲကိုဘယ်လို ရောက်သွားမှန်းမသိဘူးဗျာ မန်နေဂျာမရှေ့ ရောက်တော့ သစ်(စ်)မန်းဟာ မိုင်ကားဟာ ဘုန်းဘုန်းဟာ ဖတ်ခ်ယူ လို့ စားပွဲကိုထု မန်နေဂျာမကို လက်ညိုးထိုးပြီး အော်ပြောခဲ့တာပဲတဲ့”“ဘုရားဘုရား မန်နေဂျာမ စားပွဲကိုထု လက်ညိုးထိုးပြီး ဖတ်ခ်ယူ လို့ဆဲခဲ့သတဲ့ တော်လိုက်တာနော် သူဘာပြန်ပြောလဲဟင်” လို့မော်လမြိုင်သူကမျက်နှာငယ် လေးနဲ့မေးတော့“ ကျုပ်ကိုကြည့်ကျန်ခဲ့တာပဲတဲ့” ကဲစာဖတ်သူ အားလုံးမန်နေဂျာ စားပွဲမှာခဏလေးဝင် ထိုင်လိုက်ပါနော် “ သစ်(စ်)မန်းဟာ မိုင်ကားဟာ ဘုန်းဘုန်းဟာ ဖတ်ခ်ယူ ”လို့ စားပွဲကိုထု လက်ညိုးထိုးပြီး အော်သွားတဲ့ မစ္စတာဘင်းကို မန်နေဂျာမခင်ဗျာ ဘာကိုဘယ်လိုတွေးလို့ ဘာကိုဘယ်လိုများနားလည်ပါလိမ့် မလဲရှင်...။ကဲ ကူပြီးစဉ်းစားပေးကြပါဦး
ဆက်ရန်

Posted by Anonymous :: 9:33 PM :: 17 Comments:

Post / Read Comments

---------------oOo---------------

Tuesday, October 13, 2009

မစ္စတာ ဘင်း၏ အလွဲများ(၁)


အရာအားလုံးကို မေ့ပြီးကျမတို့နှစ်ယောက် ရယ်မောမဆုံးနိူင်အောင်ပဲ ထားဝယ်သူအခန်း တံခါးခေါက်တာလဲမရ မော်လမြိုင်သူ ကအလုပ်သွားဖို့ ပြင်ဆင်တော့မယ်။ဘာပဲပြောပြော ဘ၀အမောတွေနဲ့ မွန်းကြပ်တိတ်ဆိတ် နေတဲ့ ကျမတို့တွေရဲ့ ဘ၀ထဲကို ရောက်လာတဲ့ မစ္စတာဘင်း ကိုတော့လူကြီး လဲဖြစ်နေ အလွန်အင်မတန်မှ ရိုးသားတဲ့ရုပ်သွင် နဲ့ အပြောအဆိုတွေကြောင့် စတွေ့ ကထဲကကိုပဲ မမအိမ်မရှာတော့ဘူးလို့ ဆုံးဖြတ်ပြီးကို ခေါ်လာခဲ့တာပါ။
သူ့ရဲ့ဝတ်စား ဆင်ယဉ်ပုံနဲ့ ပုံစံကိုတော့ စာဖတ်မဲ့ပရိတ်သတ်ကို သေချာကိုမိတ်ဆက်မှကို ဖြစ်မှာနော် ကျမအရေးအသားတွေ ပိုပြီးအသက်ဝင်သွားမှာ။ဒီလိုရှင့် လေဆိပ်ထဲမှာ ကျမတစ်ယောက်ထဲ ထိုင်နေရတဲ့ ဘ၀ကြီးကို တွေးကြည့်စမ်းပါနော် အသိဆိုတာလဲ တစ်ယောက်မှမတွေ့ စီရော်နယ်ဒိုဆိုတဲ့ မျော်လင့်ချက်လေးတစ်ခုကပဲ မမမျက်နှာကို ပြုံးစေ့စေ့ ဖြစ်နေခဲ့တာလေ လာပုံကလဲဝုန်းဝုန်းဒိုင်းဒိုင်း နေ့စဉ်နဲ့အမျှ ဖုန်းပြောအွန်လိုင်း တွေ့နေတာတောင်မှ သတင်းမရပုံကလဲ ထူးဆန်းနေတယ်။
မငယ်ရွန်းရွန်းဝေ ပြောသွားတာတွေ ကိုသေချာပြန်စဉ်းစားနေရင်း အာ.. အသက်အရွယ် မမေးလိုက်မိဘူး ၀င်လာရင်တွေ့ မှာပါ ဒီအဆင်နဲ့ဒီအဆင်ကွဲပြား စရာဘာမှမရှိဘူး။အဲကျမတို့ကို မမြင်ဘူးပဲ ရန်ကုန်ကလာတဲ့ သူတွေရဲ့ အားသာချက်က အမေတို့က ကျမတို့ဓါတ်ပုံ ရှေ့ နောက် ဘေးတိုက် အကုန်ပြထားပြီးသား တစ်ခါတလေများလက်ထဲ ဓါတ်ပုံ ပါထည့် ပေးလိုက်သေးရဲ့ မားကြီးနဲ့မငယ်ကို အပြင်မှာတွေ့ဘူးထားတဲ့ သူတွေက လေဆိပ်မှာအဝေးကလှမ်းတွေ့ တာနဲ့တင် ကျမတို့ကိုသိပြီးသား အဲဒီအတွက်တော့ ကျမ မပူပါဘူး။
အဲဒီတော့ ကျမအေးရာအေးကြောင်း တနေရာကနေ ထိုင်ကြည့်နေယုံပဲပေါ့ လူကုန်ပါစေ အဲလူ ကျမကိုရှာပါစေပေါ့ လည်ပင်းတမော့မော့ နဲ့ ဟိုလူဖြစ်မယ် ဒီလူဖြစ်မယ် လက်ညိူးထိုး စောင့်ရအောင်လဲ မလတ်ကမပါ။ ဒီလိုနဲ့ လေယဉ်ဆိုက်လာပြီ သူများတွေလို မတ်တပ်ရပ်ပြီးမစောင့်တော့ပဲ နောက်ဆုံးကျန်နေတဲ့သူ ယောင်လည်လည် လူရှာတဲ့သူ ကိုပဲထိုင်ခုံမှာ အေးဆေးထိုင်ရင်း စောင့်နေတော့မယ်။
ကျမဆုံးဖြတ်ချက် အတိုင်းထိုင်စောင့်နေရင်း အနောက်တိုင်းဆန်တဲ့ သူတွေတွေ့တိုင်း ကိုယ်များလာခေါ် မလားလို့ရှင် ကျမကိုဖုတ်လေတဲ့ငါးပိ ရှိတယ်လို့တောင်မထင်ပဲကို ဖြတ်ကျော်သွားကြပုံက မျက်ရည်လွယ်တဲ့သူဆို ထိုင်ငိုယုံပဲ ဒီလိုနဲ့ လူတွေလဲ
လာသူနဲ့ကြိုသူ အပေးအယူကိုမျှလို့ ကျမအတွက် တစ်ယောက်မှကိုအပိုမရှိကွက်တိပဲ အဲဒီအချိန်မှာကျမ တစုံတရာ ကိုတွေးမိပြီး ခေါင်းနပန်းကြီးသွားတယ် မငယ်ငါ့ကို သေရာပါအောင်ကြပ်ပြီလို့ အဲလိုတွေးပြီး လူကထူထူပူပူနဲ့ ဘေးဘီကြည့်တော့လဲ လူကုန် နေပြီ ခရီးသည်တွေ ပစ္စည်းရွေးတဲ့နေရာကိုလှမ်း ကြည့်မိတော့ ခရီးဆောင်အိတ်လူတစ်ယောက်စာက အပုံလိုက်ကလေး ဗုဒ္ဒေါငါတို့လူကြီးရဲ့ ပစ္စည်းတွေ များလားလို့တွေး နေတုန်းမှာပဲ အနက်ပေါ်မှာအဖြူစင်း နက်တိုင်နဲ့ပေစောင်းပေစောင်းထွက် လာတဲ့သူ့ကို တွေ့လိုက်ရတာပါပဲ။လူကရှေ့ကိုလျှောက်နေပေမဲ့ သူခေါင်းကစောင်းတောင်းတောင်း လည်တည်တည်နဲ့ နောက်မှာကျန်နေသလိုမျိုး အသားအရည်မဖြူမညို ပိန်ပိန်ပါးပါး အရပ်အတော်ရှည်တယ် ၀တ်စားထားပုံက သပ်သပ်ရပ်ရပ် နဲ့ ဘောင်ဝင်တဲ့ ၀တ်ပုံစားပုံမျိုး တောက်တောက်ပပ ကြီးမဟုတ်ပဲ သက်တောင့်သက်သာဝတ်စားထားတယ် လူကြိုတဲ့အပေါက်ဝတဲ့တဲ့ မှာကျမတစ်ယောက်ထဲ ရှိနေတာရယ် ကျမဖက်ကမသေချာပေမဲ့ သူ့ဖက်ကသေချာနေတဲ့ပုံ နဲ့ လက်ဝေ့ရမ်းပြီးကျမကို နူတ်ဆက်တယ် ကျမကိုလက်ပြနူတ်ဆက်ပေမဲ့ သူမျက်နှာကဘေးဖက်ကိုပြန် လှဲ့သွားတယ် လက်ကတော့ လူပ်ရမ်းနေတုန်းပဲ ကျမကသာ ၀မ်းသာအားရ လက်ပြန်ပြမိရင် သေပြီဆရာပဲ ကျမပြုံးပြီးခေါင်းညှိမ့်ပြလိုက်တယ် ရင်ထဲကနေလဲ မငယ်ကိုတလေးတစား ကိုဦးညွတ်လိုက်မိတယ် တော်ပါပေတယ်မငယ်ရယ်လို့ သူ့ပုံက အမြင်ကပ်ချင်စရာမကောင်းပဲ ခင်ချင်စရာ ကောင်းနေတော့တယ်။ အသက်အရွယ်ကလဲကွာ နေတော့ ကျမတို့ကြားထဲမှာဘာမှာ ပြသနာမရှိဘူး အဲသူကစကားပြောရင် မျက်နှာ ကိုကြည့်ပြောလေ့မရှိဘူး ဘေးဘီကို ခေါင်းဝေ့၀ိုက်ကြည့်ရင်းစကားပြောတတ်တယ်။
အဲလို နဲ့ အိမ်ကိုရောက်လာတယ် ဆိုပါတော့ရှင်..။မော်လမြိုင်သူ ကနုတ်ဆက်ပြီး အလုပ်သွားတော့မယ်
ပြင်ဆင်ပြီးအပေါ်ပိုင်း ယူနီဖေါင်းအပြည့်ဝတ်ထားတဲ့ သူ့ကို နင်သွားတော့မလားလို့ ကျမမေးတော့“ မေအိုင်စပိတူ တွိုက်လက်ပလိစ်” ဆိုပြီး ရေချိုးခန်းထဲကို ပြုံးဖြီးဖြီးနဲ့ ၀င်သွားတယ် ကျမကရူးတိုးတိုး ဆိုတဲ့ ပုံစံလုပ်ပြလိုက်ရတယ်။သိပ်မရင်းနှီး သေးဘူးလေ နော် ရန်ကုန်ပြန်လို့လွတ်နေတဲ့ အခန်းတစ်ခုမှ နေရာချထား ပေးလိုက်တယ် သက်တောင့်သက်သာ နေပါပေါ့။
“ကျနော် လက်ဆောင်ပစ္စည်းတွေပါတယ်တဲ့” နားပါဦး ကျမလဲနားဦးမယ် လို့ပြောပြီး သူ့အိတ်တွေအားလုံး သူနေမဲ့ အခန်းထဲထည့်ပေးရင်း..ဟူး.လို့သက်ပြင်းချမိတယ်။
ညနေလူစုံချိန်မှာတော့ မစ္စာဘင်းအခန်းထဲက ထွက်လာတယ် မလတ်နဲ့အိမ်မှာနေတဲ့ လက်ရှိအပေါင်းအပါ
လေးယောက်နဲ့ မိတ်ဆက်ပေးတယ်။သူကလက်ဆောင် တွေပါတယ်ဆိုပြီး အထုပ်တွေ တစ်ယောက်တစ်ထုပ် ဝေပါတယ်။အဲဒါတောင်သူ့ မှာအထုပ်ပေါင်းးများစွာ ကျန်နေသေးတယ်။ “ဘာတွေလဲဟင်..အခုစားလို့ရတာတွေလားလို့” ကျမကမေး တော့ ငါးပိစိမ်းစားပါ ကျနော်မှာ အထုပ်ငါးဆယ်လောက်ကို ကျန်နေသေးတယ် တဲ့ “အော် ငါးပိ မပါရင် ထမင်းမစားတတ်တဲ့ မြန်မာစစ်စစ်ပေါ့ တစ်နှစ်စာ အနဲဆုံးသယ်လာတာ ထင်တယ် ဒီမှာလွယ်လွယ်ကူကူ ၀ယ်လို့ရပါတယ် မငယ်တို့ မပြောဘူးလားလို့”ကျမပြောတော့ “ကျနော် သွေးတိုးရှိလို့ စိမ်းစားငါပိ မစားပါဘူး မငယ်ပဲအကြံပေး လို့သယ်လာတာပါ”ဒီနိုင်ငံမှာ ငါးပိကရွေလို ရှားတယ်တဲ့ လောလောဆယ် အလုပ်မရခင်စပ်ကြားတောင် ငါးပိရောင်းရင် သူဌေးဖြစ်နိုင်တယ်လို့ သူကပြောလို့ ကျနော့်မိန်းမက ငါးပိကိုပဲ အချိန်၃၀ နီးပါး အထုပ်လေးတွေ ထုပ်ပြီး သေသေချာချာ ထည့် ပေးလိုက်တာပါ” မမတို့ရန်ကုန်ကပြန်ရင် ငါးပိပဲသယ်တာဆို ငါးပိဝယ်တဲ့ဖေါက်သယ်တွေ မမမှာအများကြီးတဲ့ ကျနော့်ကိုစပ်ပေးပါ ဦးနော် လေယဉ်လက်မှတ်ဘိုးနဲ့ အလုပ်မရခင်စပ်ကြား သုံးဘို့စွဲဘို့လေးရရင်တော်ပါ ပြီဗျာတဲ့သူ့ရဲ့ငါးပိ အိတ်ကြီးကို ယုံကြည်မူ့ အပြည့်နဲ့ လူသိရှင်ကြား မမလက်ကိုအပ်တော့ တာပဲ ငါးပိအိတ်ကို လှမ်းယူရင်း မလတ်ကို အားကိုးတကြီး ကျမကကြည့်တော့ “စိတ်ချ မမမှာဖေါက်သည်တွေအများကြီး အနဲဆုံးဒေါ်လာတစ်ထောင် လောက်တော့ရမှာ”တဲ့ပြုံးစေ့စေ့ နဲ့ပြောတဲ့ မလတ်စကား ကို အားလုံးကဝိုင်းထောက်ခံကြတယ်။ “ရတဲ့ ပိုက်ဆံလဲ မမတို့ပဲယူပါ ကျနော် နေစားရိတ်ရော မလတ်တို့ဝယ်ပေးတဲ့ လေယဉ်လက်မှတ်ဘိုးရော အတွက် ကျေးဇူးဆပ်တာပါတဲ့” အကုန်လုံးက ၀ိုင်းပြီးအားနာစရာရှင် လို့ပြောကြတယ် မငယ်တွေ့မယ် ငါပြီးရင်နင့်အလှည့်ပဲလို့ ငါးပိထုပ်ကြီး ကိုမီးဖိုချောင်သည်ရင်း ကျမရေရွတ် မိတယ်။အဲဒီအချိန်မှာပဲ မစ္စာဘင်းက သူ့အိတ်ကို ဟိုရှာဒီရှာလုပ်ရင်း ချွေးပြန်နေတယ် “ထားဝယ်သူက အကိုဘာရှာတာလဲ ငါးပိကောင်လား လို့မေးလို့” ကျမတို့ဝိုင်းရီကြတယ်။“မဟုတ်ဘူးခင်ဗျာ့ ကျနော့်ကွမ်းသီးထုပ်တဲ့ ကွမ်းရွက် ဗမာဆေး ထုံးထုပ်လေး ဘေးချပြီး ချွေးပြန်အောင်ရှာနေလေရဲ့ “မလတ်က အကိုအညောင်းအညာပြေ လမ်းလျှောက်ရင်း မီးပွိင့်ကူးလိုက်တာနဲ့ ကုလားဆိုင်လေးရှိတယ် ကွမ်းသီးတစ်ကျပ်ဘိုးဆို စားပါလေ့ သွားဝယ်လိုက်အကို အကိုကဘိုလိုကျွမ်းတာပဲလို့ ပြောတော့ “ကျနော်ကွမ်းသီးကို ဘယ်လိုခေါ်တုန်းမသိဘူး ခင်ဗျာ့တဲ့” မလတ်ကပဲ“အကိုကလဲ လွယ်လို့ ကွမ်းသီးဆိုတာ မြန်မာစကားကမွေးစား ထားတာလေ ဘန်ခ့် ကို ဘဏ် တို့ပုလိစ်ကို ပုလိပ်တို့ ဂိုးလ်ကီပါကို ဂိုလီဘာ တို့ဆိုတာ အင်္ဂလိပ်အခေါ်အဝေါ်တွေပေါ့ အဲလိုပဲ ကွမ်းသီး အင်္ဂလိပ်လိုဆို ကွမ်းသီးစ် ပေါ့အကိုရာ” “ရော့ရော့ သွားဝယ် ဘာမှမကြောက်နဲ့ နောက်ဆုံးသူနားမလည်ရင် ကွမ်းရွက်ယူသွား လက်ဟန်ချေဟန် နဲ့သာပြော” ဆိုပြီးနှစ်ကျပ်တန် တရွက်ထုပ်ပေးလိုက်ရင်း အကိုပြောကြည့်ပါဦးဆိုတော့ “ကွမ်းသီးစ် ကွမ်းသီးစ်”လို့ ရွတ်ရင်း ထွက်သွားလေရဲ့
ကျမတို့ တ၀ါးဝါးရယ်ရင်း “ မလတ် သူဒီမှာ အလုပ်ရပါ့မလားဟင် လို့” ကျမကစိုးရိမ်တကြီးမေးတော့ မပူနဲ့ သူကျိန်းသေရမှာတဲ့ “ကျမတို့အား လုံးတပြိုင်ထဲ ဘာကြောင့်လဲလို့” မေးတော့“ သူ့မှာရိုးသားတဲ့ဂုဏ်နဲ့အတတ်ပညာတခု ရှိနေတာပဲ” တဲ့ ကျမတို့ အားလုံးမစ္စတာဘင်းကို အလုပ်ရစေချင်တဲ့စိတ်တွေ တဖွါးဖွါးပေါ်လာတော့တယ်။

ဆက်ရန်

Posted by Anonymous :: 2:59 PM :: 4 Comments:

Post / Read Comments

---------------oOo---------------

Monday, October 12, 2009









စာဖတ်သူများ အလည်လာကြသူများ မမအဖေရုတ်တရက်အစာအိမ်သွေးကြောပေါက်လို့ သတိလည်စကားပြော လို့ရမှပြန်လာခဲ့တာပါ။အတော်ကြာသွားပါတယ်။စိတ်ညစ်စရာတွေ ခနထားပြီးဟာသပဲရေးချင်လို့ တင်လိုက်ပါတယ်။ကျမကို အမှတ်တရရှိနေသူတွေကို ထပ်တူထပ်မျှပါပဲလို့ပြောပါရစေ.ကီကီအမြဲအတူရှိနေသလို ခံစားရပါတယ် မာမူအလှူအတွက်ဂတိပေးပြီးမှစိတ်မချမ်းမသာဖြစ်ရရင်တောင်းပန်ပါရစေကျေနပ်တဲ့အထိ.။
အခြေအနေအကြောင်းကြောင်းကြောင့်ဆို ဘော်ဘော်ကြီးနားလည်ပေးပါ။
ကျမဂတိအတွက်ကျမတာဝန်ကျေပရစေ။

အားလုံးကိုခင်မင်ရင်းနှီးစွာဖြင့် မမ(အပေအတေ)

Posted by Anonymous :: 6:12 PM :: 9 Comments:

Post / Read Comments

---------------oOo---------------

Sunday, October 11, 2009

မမ တို့အတွက်အမေလွှတ်လိုက်တဲ့ဖူးစာရှင်


မမ တို့မစွံတဲ့ အဖွဲ့အတွက် အပျင်းလဲပြေရင်ခုန်လူပ်ရှား ရအောင်ဖြစ်လာပုံကဒီလိုပါ။
မငယ်ဖုန်းဆက် လာတယ်။ မဖြစ်မနေ နေရာစီစဉ်ပေးပါတဲ့ ဒီနေ့နေ့လည်လေယဉ်နဲ့ နင်တို့အတွက်ဖူးစာရှင်တစ်ယောက် ပို့လိုက်တယ်
တဲ့ဖြစ်နိုင်ရင် ဇာတ်လမ်းဇာတ်ကွက်ဆင်ပြီး အိမ်မှာပဲထားပါတဲ့။ ရုပ်ရည်ရူပကာ အတော်ကိုသေသပ်လှပပြီး နောက်ကြောင်းအင်မတန်မှ ကိုရှင်းလင်းပါ သတဲ့ မမနင်လက်မနှေးစေနဲ့ နော်တဲ့ ဘုရားရေထူးခြားဆန်းပြား အံ့သြကုန်နိုင်ဖွယ် ဘယ်သူနဲ့ပတ်သက်တာတုန်း လို့တအံ့တသြပြန်မေးတော့ အမေရဲ့ချစ်လှစွာသောငယ်သူငယ်ချင်း ရဲ့သားကြီးသြရသတဲ့ အနောက်တိုင်းဆန်စွာ ချောမောလွန်းလို့ နင်တို့နှလုံးသားတွေကို သိမ်းကြုံးယူမဲ့သူပဲတဲ့။
ကြော်ငြာကအင်မတန်ကို ပြောင်မြောက်လွန်းတော့ မမမျက်နှာပြုံးစေ့စေ့ကိုဖြစ်လို့ မညာပါဘူးအမှန်ကိုပြောတာ အနောက်တိုင်းဆန်တဲ့
ရုပ်ရည်ဆိုတဲ့စကားလုံးရဲ့ နောက်ကိုချဲ့ကားပြီး တွေးပလိုက်တာ အနိုင်ဂိုးတွေတစ်ဒိုင်းဒိုင်း ပစ်သွင်းနေတဲ့ စီရော်နယ်ဒို ခွိခွိခွိ အမေကဘာသဘောနဲ့ သမီးမိန်းကလေးတွေ စီကို အရောက်ပို့ရတာတုန်း မငယ်အပြောအရဆိုရင်တော့ ဖိတ်ခြင်းဖိတ်ကိုယ့်အိတ်ထဲကိုပဲလား အိမ်မှာကလဲသေချာကြည့်ရင်ပြိုင်ဘက်တွေအားလုံးက ကွမ်းတစ်ယာညက်တဲ့ထိ အကြည့်ခံတဲ့ရုပ်ရည် တွေချည်းပဲဆိုတော့
ဟာ..မငယ်စကားများနှစ်နဲ့စား အကြွင်းသုံည လုံးဝကိုမယုံရဆိုတာလေ မလတ်ကိုဖုန်းဆက် မေးကြည့်မယ်။
“အင်း ..ငါ့ကိုလဲအခုပဲဆက်သွားတယ် နင်ကြိုရမှာ ငါလုံးဝမအားဘူးနေရာရှာထား အိမ်မှာမထားပါဘူး မိန်းခလေးကြီးပဲဟာ” နီးနီးနားနား ရှာထားလိုက်ဆိုပြီး ဖုန်းချသွားလေရဲ့..အင်းလေ ကံပေါ့လို့တွေးရင်း ဖူးစာရှင်ဆိုတာက ခေါင်းထဲကို ၀င်ဖြစ်အောင် ကို ၀င်လာသေးတာ အဲလို အဲလို ကြော်ငြာကောင်းတာ။
အမှန်အတိုင်းပဲ အိမ်မှာတော့ လုံးဝကို မထားချင်ပါဘူး လူစိမ်းရှိတော့ မမဘုံပျောက်မှာ ဧည့်ခန်းထဲ မှာလဲ အချိန်မတော် နေလို့မရ အိမ်ရှာမှဖြစ်မှာပါ။ ဘုရားစူး မမလုံးဝ မလိမ်ဘူး ငါးအိမ်လောက် ကိုဆက်တာ ရတော့ရမှာ ဒီနေ့ချက်ချင်းတက်နေလို့ ရတာတစ်ခုမှကိုမပါဘူး အဲလိုနဲ့အိမ်ရှာခြင်းအလုပ်ကို ရပ်လို့မမလေဆိပ်ပြေးရတော့ တာပေါ့ အော်တကယ်ရှာပါတယ် မရတာပါဆို မယုံကြဘူးလား..။လေယဉ်တစီးလုံးလူကုန် ပုံမှန်ချိန်ထက် မတရားနောက်ကျပြီးမှ ထွက်လာတဲ့
သူ့ကိုတွေ့တော့ မမအိမ်မှာပဲထားဘို့ ဆုံးဖြတ်ချက်ကိုရဲရဲကြီးချလိုက် တော့တာပါပဲ။လေဆိပ်ထဲက ထွက်လာတော့ တစ်ကယ့်ကို အနောက်တိုင်းက မင်းသားတစ်လက်နဲ့အမတန် မှကိုတူတာပါပဲ စဉ်းစားစမ်းမယ်မင်းကြီးမ ဘယ်သူနဲ့များတူနေတာတုန်း အဖြေကိုမထွက်ဘူး ဦးနှောဏ်က အဲဒီလောက်ကိုကောင်းတာ ခြာခြာလည်အောင် စဉ်းစားရင်း အိမ်အောက်ရောက်လာတော့ တယ်။
မမလေ သိတယ်တယ်နော် အပီအပြင်ကိုကြော်ငြာဝင်ထားတာလေ ဆင့်ပွားကြော်ငြာဆိုတော့ မငယ်ထက်မသာလို့ မဖြစ်ဘူးမဟုတ်လား ဒီနည်းမျိုးစုံနဲ့ မမရဲ့ကြပ်ခြင်းကို ခံရဘူးတဲ့သူတွေကတော့ သိပ်အိနြေ္ဒပျက်ပုံမရဘူး အိမ်မှာကလဲနေ့လည် နေ့ခင်းဆိုတေ့ လူသိပ်မစုံတာလဲပါမယ် ရှိနေတာ ကမမအပါဝင် မော်လမြိုင်သူ ထားဝယ်သူ ဒါပဲလေ သူတို့ကလဲနှစ်ဆယ့်ခုနှစ်
ကျော်ဆိုတော့ အပျိုကြီးစာရင်းဝင်ပေါ့။
အိမ်တံခါးဝရှေ့ရောက်ပြီး ဘဲလ်တီးတယ်ဆို ရှန်ပူနံ့ကထောင်းကနဲ နှာခေါင်းဝကို တိုးဝင်လာတော့တယ် ဘာကိုမှန်းမသိ ရီချင်စိတ်က
မမ မျက်နှာကိုမချိုမချဉ် ဖြစ်နေစေတာအမှန်ပဲ ဖြတ်ခနဲတံခါးဖွင့်သံနဲ့အတူ ရှန်ပူနံ့နောက်ကနေ ကော်ဖီနံ့ကတိုးထွက်လာတယ်။ အငွေ့တထောင်းထောင်း ထနေတဲ့ ကော်ဖီခွက်ကို လက်ကကိုင်ရင်း တံခါးလာဖွင့်တဲ့ မော်လမြိုင်သူက မမကိုကျော်ပြီး အရောင်တောက်နေတဲ့ မျက်လုံးတွေနဲ့ သူ့ကိုပြူးပြဲ ကြည့်တော့တာပဲ။ကျမရီချင်တယ် စပ်ဖြဲဖြဲဖြစ်နေတဲ့ ကျမမျက်နှာကို လှမ်းကြည့်တယ် ဆို ကျမနဲ့မော်လမြိုင်သူ အကြည့်ချင်းဆုံတယ်ဆိုရင်ပဲ ဟန်ဆောင်မူ့ကင်းတဲ့ ရန်ကုန်မှာကျုတာသုံးနှစ်နည်းပါး လုပ်လာတဲ့ ရဲ့ရင့်မူ့တွေနဲ့ မမ စီရော်နယ်ဒိုသွားကြိုမယ်ဆို ဘယ့်နှယ့်မစ္စတာဘင်းကို ကြိုလာခဲ့တာတုန်းတဲ့ အောင်မြင်တဲ့အသံရဲ့ နောက်မှာပဲ တဟားဟားအော်ရယ်သံက ကပ်လိုက်လာတယ်။ ကျမဘယ်လိုမှ စဉ်းစားလို့မရတဲ့ ကိုဧည့်သည်နဲ့တူတဲ့ သူကမစ္စတာဘင်းပါပဲ မော်လမြိုင်သူကတန်းပြော တဲ့အတွက် သူ့နောက်ကနေတခွိခွိ လိုက်ရယ်မောရင်း ဧည့်သည်ကိုကူပါဦးဟာ လို့ကျမပြောရတော့တယ်။
ကျမတို့နဲ့ဆန့်ကျင်စွာ ယောင်နနအူကြောင်ကြောင်နဲ့ ကိုရွေဧည့်သည်ကတော့ လေယဉ်ကွင်းက အတွေ့အကြုံ သစ်ကို ရင်ခုန်နေတုန်း ထင်ရဲ့ မော်လမြိုင်သူရဲ့တကိုယ်လုံးမှာ အလှဆုံးလို့ကျမတို့အားလုံး သတ်မှတ်ထားတဲ့ ပုခုံးကျော်လောက် ဆံနွယ်ထူထူ အိအိတွေက ရှန်ပူနံ့တွေသင်းပျံရင်း တလွင့်လွင့်ပေါ့။ “အဟဲ ဆံပင်တွေနဲ့ နင်ဖျာရောင်းဘို့ကြိုးစား မိတယ်ပေါ့လို့” ကျမကကော်ဖီဖျော်ရင်း နောက်တော့ “လူ့အခွင့်အရေးကို မြတ်နိုးတဲ့ မမ ဒါကျမအခွင့်အရေးပဲလေတဲ့”
”မမရေအမြန်ဖျော် အင်တာဗျူးရအောင်ဟာ” ဆိုတဲ့မော်လမြိုင်သူ့ရဲ့စကားကို ကော်ဖီခွက် ကိုင်ရင်းကျမကအတည်ပြုတယ်။ကျမတို့ နှစ်ယောက်ဧည့်ခန်းထဲ ရောက်တယ်ဆိုရင် စရောက်ကထဲက တွေတွေဝေေ၀နဲ့ ထိုင်နေတဲ့ ပုံစံမပျက် လက်ကလေးနှစ်ဖက်ပူး ပေါင်ကြားထဲထည့်ရင်း လည်ပင်းကိုလိမ်လို့ ကျမတို့ကိုကြည့်ပြီးပြုံးပြတယ်။တကယ် ဘုရားစူးရစေ့ရဲ့ မစ္စတာဘင်းမမတို့ ဧည့်ခန်းထဲမှာထိုင်နေလေရဲ့ “လေဆိပ်ထဲမှာ အကြာကြီးပဲနော် ဘာတွေအရစ်ခံရသေးလဲ” လို့ကော်ဖီခွက် ကိုချရင်းကျမမေးတော့ “ကျနော့ကိုစပွန်စာပေးတဲ့သူနဲ့ဘာတော်လဲလို့မေးတယ် ကျနော့ညီမ၀မ်းကွဲလို့ဖြေလိုက်တာပဲ ဘာမှတော့ သိပ်မရစ်ပါဘူး ကျနော်ဝင်ဘို့ အပေါက်ရွေးနေလို့ ကြာသွားတာ” ပြောရင်း ကော်ဖီကိုငုံ့သောက်နေတယ်။
ကျမနဲ့မော်လမြိုင်သူ တစ်ယောက်မျက်နှာတစ်ယောက် ကြည့်ရင်း ဟောဟောဒိုင်းဒိုင်း မော်လမြိုင်သူက“ ရှင်ကဘယ်အပေါက်ကို
ရွေးနေတာတုန်း”ဆိုတော့ တွေးတွေးဆဆ နဲ့ပြောလေရဲ့ “ကျနော့မိန်းမကမှာလိုက်တယ် ပြုံးပြုံးရွင်ရွင် မျက်နှာပေးနဲ့ မလေးလူမျိုးထိုင်တဲ့ အပေါက်ကိုဝင်ဘို့” “အယ်.ရှင်ကလူတွေနောက်ကနေ တန်းမစီဘူးလား” လို့ကျမတို့ရဲ့ပြိုင်တူ အမေးကို “ကျနော် တန်းမစီပဲနောက်ကနေ ဟိုဘက်ဒီဘက်လျှောက်ရင်း လေ့လာနေတာ”“ဘယ်အချိန်ထိ များလေ့လာနေသလဲဟင်” ဆိုတော့ လေယဉ်တစီးလုံးလူကုန်တဲ့အထိပဲတဲ့ “ကျမတို့ တအံ့တသြနဲ့နောက်တော့ရော ဘယ်က၀င်ခဲ့သလဲ ” ဆိုတော့ကောင်တာက လူကသူ့ကိုလက်ယပ်ပြီး လှမ်းခေါ်တယ်တဲ့ “ကျနော် သူ့စီမသွားချင်ပဲ သူအတင်းခေါ်လို့ သွားရတာ တရုတ်ဗျ တရုတ်တဲ့” “သူက ဘာပြောလဲဟင်ဆိုတော့” “သူပြောတာ ကျနော်မှနားမလည်တာ ဗျာတဲ့ ကျနော်ဒီကဒ်ကို ထုတ်ပြလိုက်တယ် အိုင်ဗစ်စစ် မိုင်စစ်စတာ လို့ပြောလိုက်တာပဲဗျာ”“ကျနော့ကိုဘာလုပ်လဲ မေးတယ်ဗျာ့ ကျနော်ကအိုင်အမ် တီချာ (သူ့လေသံအတိုင်း) လို့ဖြေလိုက်တာပဲတဲ့ နေထိုင်ခွင့်တစ်လထု ပေးလိုက်တာပဲဗျာတဲ့ ”သူ့လက်ထဲက ကျမရဲ့မိတ္တူကဒ်ပြား လေးကို လှမ်းယူလိုက်ရင်း “အကိုမိန်းမကဒီကိုလာဘူးသလား” လို့ကျမမေးတော့“ပေါက်ပေါက်ရှာရှာဗျာ မလာဘူးပါဘူးတဲ့” အကိုက ကျောင်းဆရာလား လို့ကျမတို့ ထပ်မေးတော့ “မဟုတ်ပါဘူး မိန်းမကဘာလုပ်လဲမေးရင် တီချာလို့သာဖြေလိုက်လို့သင်ပေး လိုက်လို့ပါတဲ့” ကျမတို့သူ့အနားကနေမော်လမြိုင်သူ အခန်းထဲကို တွန်းရင်း တိုက်ရင်း ၀င်လာခဲ့တယ် အခန်းလော့ချပြီးတဲ့ နောက်မှာတော့ ကျမတို့တစ်ယောက်နဲ့တစ်ယောက် မျက်နှာခြင်းဆိုင်ဖက်လိုက်ပြီး သေလုအောင်ရီကြ တော့တာပဲ။တွေ့ကြသေးတာပေါ့ မငယ်ရယ်ဒီတခါ နင့်အလှည့်သေဘို့သာပြင်ထားလို့ မမရင်ထဲက ကြုံးဝါးလိုက်ရင်း စီရော်နယ်ဒိုလို့ ဖြတ်ကနဲခေါင်းထဲရောက်လာတော့ ဟင့် အင်း.လုံးဝမရတော့ ဘူးမော်လမြိုင်သူနဲ့ မျက်နှာခြင်းဆိုင်ပြီး တဟားဟား အော်ရယ်တာ ကျမတို့ တအိမ်လုံးကို သိမ့်သိမ့်တုန် သွားလေရဲ့ အရီရပ်ပြီးတဲ့ နောက်မှာတော့ ကျမ လက်ကိုင်ဖုန်းကနေ မြန်မာပြည် မငယ်ရဲ့ ဖုန်းကိုလှမ်းခေါ်လိုက်တယ် မငယ်က “ဟီး မမ နင်နဲ့မလတ်အတွက် ဖူးစာရှင်ရောက်ပီလား” ဆိုတဲ့အမေးကို “မငယ်လေယဉ် ကလူကုန်နေပြီ ငါလဲဗိုက်ဆာလို့ သေတော့မယ် နင့်လူက ထွက်မလာ ဘူးဟ” ဆိုတော့ မငယ်ပြူးတူးပြာတာနဲ့ “ဟုတ်လားဒုက္ခပါပဲ ဟာ သူကအဲကွန်းတီဗီရေခဲသေတ္တာ ပြင်တာမတရားတော်တယ် ပညာတော့မတတ်ဘူး မိန်းမနဲ့ခလေးနှစ်ယောက်နဲ့ဟ ဒီမှာဒုက္ခရောက်နေလို့ နင်ကဒ်နဲ့ဗီဇာ ၀င်ပေးပြီး အလုပ်ရှာဘို့ လေယဉ်ပေါ် တင်ပေးလိုက်တာ မပြောတတ်မဆို တတ်နဲ့ ဒုက္ခတော့ရောက်ပြီထင်တယ် ”ဆိုတဲ့ မငယ်အသံကို ကျေကျေနပ်နပ်ကြီး နားထောင်ပြီး “နင်သွားပြန်ကြိုလိုက်ဟာ ငါလဲမတတ်နိုင်ဘူး အင်ဖေါ်မေးရှင်း ကောင်တာကနေ တဆင့်အထဲကို ငါဖုန်းဆက်မေးပြီးပြီ သူဘာမှမဖြေနိုင်လို့ နောက်ဆုံးလေယဉ်နဲ့ ပြန်တင်မယ်ပြောတာပဲ ငါတောင်းပန်တာ ဘယ်လိုမှမရဘူး ငါ့ကိုသူ့ညီမလို့ပြောပြီး ငါ့အကြောင်းမေးတာ သူဘာမှမသိဘူးလို့ ပြန်ပြောတယ် ငါအကြိမ်ကြိမ်တောင်းပန် တာပဲ ငါ့ကိုဝတ္တရားနှောက်ယှက်နေတာလားတဲ့ အော်ပြီးဖုန်းချသွားတယ် ငါပြန်တော့မယ် နင်လဲသွားပြန်ကြိုလိုက်နော် ” ကျမပြောတော့ “စိတ်ညစ်လို့ ငါသေရတော့မယ်”လို့ပြောရင်း ကြေကြေကွဲကွဲ ဖုန်းချသွားတဲ့ မငယ်အသံ ပျောက်သွားတဲ့ နောက်မှာတော့ ကျမလက်သီးကို ဆုပ်လိုက်ရင်း ရက်စ် လို့ ရင်ပွင့်အောင်အော်လိုက် မိတော့တယ်။မမနဲ့မော်လမြိုင်သူ မျက်နှာပိုးသတ်ပြီး ဧည့်ခန်းထဲကို ပြန်ထွက်လာတော့ သူ့ပုံကမျက်နှာငယ်ငယ်နဲ့ ထိုင်နေတုန်း အကိုအသက် ဘယ်လောက်ရှိပြီလဲလို့ မော်လမြိုင်သူက မေးတော့ လေးဆယ့်ငါးနှစ် လို့ပြန်ဖြေတယ်။“လေယဉ်စီးရတာ အဆင်ပြေလားလို့”
ကျမကမေးတော့ “ပြေပါတယ် ကျနော်က မကြောက်တတ်ဘူး တစ်ခုပဲ ကျနော်က စကားသိပ်မပြောချင်ပဲ လေယဉ်မယ်နဲ့ပြောလိုက်ရတယ်”တဲ့“အော်ဘာတွေ ပြောတာလဲ” လို့ ကျမတို့နှစ်ယောက်ကမေးတော့ “ဟိုဗျာ ကျနော်ဆီးသွားချင်လို့ လေ အဲဒါမေးတာဗျ”“အဲဘယ်စိုးလို့တုန်း ဘယ်လိုမေးလိုက်လဲဟင်လို့” မော်လမြိုင်သူရဲ့ စိတ်ဝင်တစား အမေးကို “အော်ဗျာ ဒီလောက်ကတော့ ကျနော်သင် လာပါတယ်ဗျာ “မေအိုင်စပိတူတွိုက်လက်ပလိစ်လို့”(သူ့အသံထွက်အတိအကျ) ကျနော်ပြောတော့ လေယဉ်မယ်လေးကပြုံးပြီး အိမ်သာကိုလှမ်းပြတယ်။ မော်လမြိုင်သူနဲ့ ကျမဗြုန်းဆို ထိုင်ရာက ပြိုင်တူထရင်း တစ်ယောက်လက်တစ်ယောက် ကျစ်ကျစ်ပါအောင် ဆုပ်ကိုင်ပြီးအပြေးတပိုင်းနဲ့ အခန်းထဲကိုပေါ့ရှင် မော်လမြိုင်သူရဲ့ အာဗြဲနဲ့ အော်ဟစ် ရယ်မောသံကို နားထဲမ၀င်အောင် ပိတ်ထားရင်းက ကျမရယ်ရလွန်းလို့ အူတက်သေတော့မယ်ရှင်။
အဲဒါကကျမတို့နဲ့ ကိုယ်ရွေဧည့်သည့်ရဲ့ ပထမဦးဆုံးနေ့လေးရဲ့ တ၀က်ပဲ ရှိပါသေးတယ် (စိတ်ဝင်စားကြတယ်ဆို မမ ဆက်ရေးမယ်ရှင်)ကျမတို့နဲ့ နှစ်လနေသွားတဲ့ခဏ မှာတော့ အံ့သြကုန်နိုင်ဘွယ်ပါပဲ

ဆက်ရန်

Posted by Anonymous :: 11:59 PM :: 10 Comments:

Post / Read Comments

---------------oOo---------------