နွေရာသီကျောင်းပိတ်ရက်တစ်ခုမှာပေါ့....။ ကျမတို့  ညီအစ်ကိုမောင်နှမ ၊ သူငယ်ချင်းတွေ ဦးလေးခြံကို ကူညီမယ် ဆိုပြီး သောင်းကျန်းကြတာ တရားလွန် .... ။ ဦးလေးခြံက မှော်ဘီကထွက်ရင် တိုက်ကြီး ၊ ဥက္ကံ လို့ခေါ်တဲ့မြို့ လေးပါပဲ.... ။ ကျမတို့ မောင်နှမ သူငယ်ချင်းတွေ စုပြီး သွားကြ တယ်.. ။ ခေါင်းစဉ်က " လုပ်အားပေး " တဲ့....။

ကျမတို့ ဦးလေးက မတရားချမ်းသာတယ်... ။ အဲဒီ ဦးလေးပိုင်တဲ့ ခြံထဲမှာ စိန်တစ်လုံးသရက် ၊ မာလကာ စသဖြင့် သီးပင်စားပင်အစုံပါပဲ.. ။ မွေးမြူရေးငါးကန်ဆိုတာ အကြီးကြီး ပါပဲ ။ ငါးတွေဆို ချက်ခြင်းမျှား ၊ ချက်ခြင်း ကြော် လှော်ချက်ပြုတ်ဘို့  ဂက်(စ်)မီးဖို အားလုံး အကုန်အဆင့်သင့်ပါပဲ ။ ဦးလေးနေတဲ့၂ထပ်တိုက်လေးထဲမှာ နားနေဖို့  အဲကွန်း ၊ တယ်လီဖုန်း(ဆက်သွယ်ရေးရုံး ကတစ်ဆင့်ခေါ်ရတာ) အကုန်ရှိတယ်။
ငါးကန်ဖေါ်ရင်လည်း ကျမတို့ လုပ်အားပေးအကြောင်းပြပြီး သွားတာပါပဲ။ကျမတို့ အပျော်ဆုံးက ကောက်စိုက်ချိန်ရယ်.. ကောက်ရိတ်ချိန်ရယ် ။ ကျမအခုရေးမှာက ကောက်ရိတ်ချိန်လေ ။စုစုပါင်းခြံအကျယ်က ၁၅ဧကရှိတယ် ။ လယ်အကျယ်တော့ ကျမ မမှတ်မိတော့ ဘူး ။ကောက်ကိုတစ်နေ့ ထဲအပြီးစိုက်တာ ထင်တယ် ။ တစ်ခါမှတော့ ညမအိပ်ဖူးခဲ့ဘူးလေ ။
ကောက်စိုက်ဖို့ အတွက် နေ့ စားလူတွေ ခေါ်ရတယ် ....။ ရွာနီးချုပ်စပ်က တက်လာကြတာ မနည်းဘူးရှင် ။ အ
များကြီးပဲ...လော်စပီကာနဲ့ သီချင်းဖွင့်တယ်.....။

ဦးလေးက လက်ရှိ ရန်ကုန်မြို့ ရဲ့ အထင်ကရလူချမ်းသာတစ်ဦးပါပဲ ။
ဒီခြံလေးကသူ့ ရဲ့ ဇာတိမြို့ လေးက အပေါင်းအသင်းတွေနဲ့  အဆက်အသွယ်ပြတ်မှာ စိုးတာရယ် ၊အသက်ကြီးလာတော့  နားနားနေနေ ဆန်းဒေးမှာ အနားယူဘို့ အတွက်ရယ် သူခေါင်းချချင်တဲ့
နေရာလေးလို့ လဲ အမြဲပြောတတ်တယ် ။ ဦးလေးခြံကိုဝင်ဖို့ ..ကိုယ်ပိုင်မြေနီလမ်းလေးရှိတယ် ။ကတ္တရာခင်းမယ်ပြောပြောနေတာ ခုလောက်ဆို ခင်းပြီးလောက်ပြီ ထင်တယ်။

အဲဒီလမ်းလေးထဲ ၀င်ပြီဆိုတာနဲ့  ကျမတို့တတွေ သီချင်းတွေဆိုကြတယ် ။ လမ်ဘေးဝဲယာတလျောက်လုံး
တန်ဖိုးကြီးသစ်ပင်တွေနဲ့ အလှဆင် ထားတယ် ။ တန်ဖိုးကြီးပန်းအိုးတွေဆိုတာ သူနေရာနဲ့ သူပေါ့ ...ကဗျာဆန်ပြီး အရမ်းချစ်စရာကောင်းတယ် ။ကျမတော့ ကားပေါ်ကဆင်းတာနဲ့ ဦးလေးမွေးထားတဲ့ နွားကြီး နှစ်ကောင်ဆီကို ပြေးတာပဲ ။ ဦးလေးက သားကြီး ၊ သားငယ် လို့ ခေါ်တယ် ။ ကျမက မောင်ကြီး ၊ မောင်ငယ်လို့ ခေါ်တယ် ။ တစ်လောကလုံးမှာ အလှဆုံးဆိုတဲ့ နွားတွေထက် ပိုလှတယ်ဝဖြီး နေတာပဲ ။ ကောင်းပေ့ ဆိုတာတွေကျွေးတယ် ၊ ရေချိုးပေးတယ် ၊ညဘက်ဆို ခြင်ထောင်နဲ့  သိပ်တယ် ။ သူတို့ကို ဦးလေးက သိပ်ချစ်တယ်လေ..................။

ငါးကန်တွေရှိတယ် ။ ဇလားဗီးယား ၊ ရွှေဝါငါးကြင်း ၊ ငါးတန် ၊ ငါးမြစ်ချင်း စသဖြင့်ပေါ့ .... အများကြီး မွေးထားတယ် ။ငါးစာကျွေးချိန်ဆို ကျမတို့  လု ကျွေးကြတယ် ။ ရုံးပတီသီးတွေ ခူး... မီးဖုတ်စားကြတယ်... ။ တကယ်ပါ..အရမ်းကိုပျော်စရာကောင်းတဲ့ နေ့ ရက်တွေပါပဲ....။
ကောက်ရိတ်မဲ့ နေ့ ဆို ထမင်းချက်တဲ့အဒေါ်ကြီးတွေအဖွဲ့ တစ်ဖွဲ့ ရှိတယ် ။ မှတ်မှတ်ရရ အဲဒီနေ့ က ဘဲဥချဉ်ရည်ဆီပျံ ၊ သီးစုံပဲကုလားဟင်း ၊ ငါးပိရည်တို့ စရာအစုံ..... ကျမအကြိုက်ဆုံးက ခြံထဲမှာရှိတဲ့ ငှက်ပျောခြံက ငှက်ပျောဖူးကိုလေးစိတ် ...စိပ်ပြီး မန်ကျီးနှစ်နဲ့  ပြုတ်ထားတဲ့ .တို့ စရာ ။ တို့စရာတွေ ထဲမှာ ကျမအကြိုက်ဆုံးပေါ့.......။ထမင်းစားချိန်မှာ မျက်နှာခြင်းဆိုင်ထိုင်ခိုင်းပြီး ငှက်ပျောဖက်တွေခင်းကျွေးတာ ။ ကောင်မလေးတွေ ၊ ကောင်လေးတွေ ၊အဒေါ်ကြီးတွေ ၊ ဦးလေးကြီးတွေ အရွယ်စုံပေါ့ ။ ကျမတို့ က ဟင်းတွေလိုက်ထည့် ပေးတယ်လေ ။ အကုန်တန်းစီပြီး ထိုင်ကြ ရတယ် ။ အဲဒီအချိန်မှာ လူတစ်ယောက် ၊ ကျမစိတ်ထင် အသက် ၂၅ လောက်ရှိပြီထင်တယ် ။ ဘာမှမထူးခြားဘူး ၊နေ့ စားကောက်လာရိတ်သူတစ်ဦးလို ပါပဲ ။ သူများတွေလို အဆင်တူ ၊ အသွေးတူပဲ ။ခမောက်ဆောင်းထားတယ် ။ ထူးခြားတာက အားလုံးကသူ့ကိုဆရာ ၊ ဆရာနဲ့  ခေါ်ကြတာပဲ ...... ။အဒေါ်ကြီးတွေက ဆရာလေးတဲ့  ၊ ကလေးတွေက ဆရာတဲ့ ........................။

ကျမ...စပ်စုချက်ကို သိတယ်နော် ။ အဲလူကို ဟင်းထည့်ပေးရင်း အစ်ကို့ ကို သူတို့ က ဘာလို့ ဆရာလို့
ခေါ်တာလဲလို့ မေးကြည့်တော့ ထမင်းကိုငုံ့ စားတယ် ။ သီချင်းသံတွေကြားမှာ ဆူညံနေလို့ မကြားဘူးထင်ပြီး ... ထပ်မေးတယ်မိတယ် ။တမင်တကာ ကျမကို မဖြေတာ... ကျမသိတာပေါ့  ။ ရုတ်တရက် ရင်ထဲမှာ မကျေနပ်ဘူးရှင် ။ကျမ..မတ်တပ်ရပ်ပြီး အားလုံးကြားလောက်တဲ့ အသံနဲ့ ... " ဒီကအစ်ကိုကဘာဆရာလဲရှင့်  ၊ဗေဒင်ဆရာဆို တွက်ချင် လို့ ပါ...ဥာဏ်ပူဇော်ခ..ကောင်းကောင်း ပေးပါမယ် " လို့  ။ ကျမအသံဆုံးတော့ ..အားလုံးဝိုင်းရယ်ကြတယ် ။ လက်ရှိအနေအထားအရ ကျမက ရွှေမင်းသမီးလေးလေ ..နော ......။

ခပ်ငယ်ငယ်ကလေးတွေက..ကျနော်တို့ ဆရာတဲ့...... ၊ လူကြီးတွေက ရွာကကျောင်းဆရာတဲ့ကျမရင်ထဲ ဘယ်နေရာမှန်းမသိတဲ့နေရာက.....စူးအောင့်လာတယ်..... ။
ကျမစိတ်ထင်..ဆရာလို့ အခေါ်ခံရတဲ့အကိုရဲ့ခေါင်းက အောက်ကိုပို ပိုပြီး ငုံ့..ငုံ့ဝင် သွားသလိုပဲ ။ ကျမလက်ထဲက ဟင်းခပ်တဲ့ ဇွန်းကိုနေရာမှာ ချပြီး......ငှက်ပျောပင်တန်းနားက ဒန်းပေါ်မှာထိုင်ရင်း......ဘာကိုမှန်းမသိ ၀မ်းနည်း နေခဲ့ တယ် ။ကျမ..အတွေးတွေထဲမှာ..အဖြူ အစိမ်းနဲ့  မူလတန်းကျောင်းသားလေး.... ၊ အလယ်တန်းကျောင်း....၊ အထက်တန်းကျောင်းဆိုတာကို ကျော်ဖြတ်ခဲ့ဖူးတဲ့ ၊ တက္ကသိုလ်ကျောင်းသားဘ၀တွေကိုဖြတ်သန်းခဲ့တဲ့ ၊ဘွဲ့ရပညာတတ်တစ်ယောက်က... ဘာလို့ များ ကျမဦးလေးအပျော်စိုက်တဲ့ လယ်မှာ...နေ့ စားလာလုပ်ရတာလဲ ၊ တပည့် တွေနဲ့ အတူလုပ်ရတာလဲ ၊ ကျမတို့ဦးလေးပေးတဲ့  တစ်နေ့ ၁၀၀ လား ၊ ၅၀၀လားမမှတ်မိတော့ဘူး....အဲဒီငွေရယ် ၊ ကျမတို့ ဝေတဲ့  ပုဆိုးတစ်ကွင်း ၊ လုံချည်တစ်ကွင်းစီရယ် ၊ဘယ်အရာတွေက ရွာ့ ဂုဏ်ဆောင်... အလယ်တန်းပြဆရာလေးကို.... နေ့ စားကောက်ရိတ်သူ ဖြစ်စေခဲ့တာလဲကျမလို.. ၉တန်းကျောင်းသူတစ်ယောက်ရဲ့ .. ပြောင်လှောင်မှုကို ဘာကြောင့် ခေါင်းငုံ့ ခံခဲ့ရတာလဲ.............။
ကံ..ကံ၏ အကျိုးဆိုတာကို ရေရေလည်လည်မသိသေးတဲ့ ၉တန်းကျောင်းသူကျမ.....ရှက်ရွံ့ကြေကွဲစွာ ရှိုက်ငိုပြီးတဲ့  နောက်မှာတော့.....................။

မိုးကောင်းကင်ကိုမော့ကြည့်ရင်း .........ကျမတို့ အားလုံးအတွက်...တရားမျှတမှု တစ်ခုကိုပဲ ပေးသနားပါလို့  တတွတ်တွတ် တောင်းဆိုနေခဲ့ မိတယ်။ဥက္ကံမြို့ လေးမှာနေတဲ့သူတိုင်း ကျမဦးလေးနဲ့ အတူ ..အဲဒီခြံအကြောင်း ၊ ကောက်ရိတ်ပွဲအကြောင်း သိကြမှာပါ ။အဲဒီ ကျောင်းဆရာအစ်ကို ..ကိုဒီနေရာကနေ တောင်းပန်ပါတယ်....။
လောကရဲ့ဒဏ် ၊ လောကဓံ ဆိုတာကို ခုတော့ဖြင့် ကျမလည်း သိခဲ့ရပါပြီလေ .......။
မမ