မမ

Friday, January 9, 2009

အိပ်တန်းငှက်တို့ပြန်ကြပြီလေ...


ကျမတို့ ငယ်ငယ်ထဲက.. တကယ်ပြောမယ်ဆို.....ကျမတို့ မမွေးခင်ထဲက အိမ်မှာနေတာပါ..... သူနာမည်က မကြင်သန်းတဲ့......
တကယ်ဆို.... ကျမတို့ အားလုံးနှုတ်ကျိုးနေလို့ သာ..... ကျမတို့ ခေါ်ရမှာဒေါ်ကြီးပေါ့ ....... နောက်ပိုင်း အရွယ်ရလာတော့ ကျမတို့ အသိစိတ်နဲ့ ပြောင်းခေါ်ခဲ့ ကြတယ် ။ ကျမနဲ့ သူနဲ့ အားလုံးထက် ပိုရင်းနှီးတယ် ။ ကျမပြန်တိုင်း သူငိုတယ်
စကားမစပ် မနှစ်က ကျမ မနက်အစောကြီး ပြန်ရတော့မယ်ဆိုတော့ သူနဲ့ ကျမ ညဖက်မှာ အိမ်ကခိုးထွက်ကြတယ်.....
လက သာနေတယ် မှတ်မှတ်ရရ ဒီဇင်ဘာ-၂၈- ရက် ည -၁၂ - နာရီလောက်ပေါ့ .......။ ကျမနဲ့ သူကသူခိုးလုပ်နေကျ ရိုးနေပြီ... အမေက ဘာလုပ်လုပ်တစ်နေ့ သက်သေဆိုတာ ရှိရတယ်တဲ့ ...။ သူဟာကျမရဲ့ ဘ၀ တစ်လျှောက်လုံး သက်သေဆိုရင် လုံးဝမမှားဘူး...........................။
အမေကသူ့ ကိုကြည့် မရဘူး.. ထားပါ... ။ ကျမတို့ အိမ်ကထွက်လာပြီး ဘယ်သွားရမှန်းမသိဘူး.........။ တစ်လမ်းလုံးလဲ တိတ်ဆိတ်နေပြီ... ဒေါ်ကြီးက ပွဲဈေးရှိတယ်တဲ့ ဟုတ်လား သွားရအောင်လို့ ၀မ်းသာအားရ ကျမပြောတော့.. မိုးကောင်းဘုရားပွဲတဲ့ ........ ကျမ ဒေါ်ကြီးကိုသေချာကြည့်တယ်။
တော်တော်နွမ်းနွမ်း ပါတိတ်ထမီ.. ရင်ဖုံးအင်္ကျီအရိပ်ပန်းလို့ ခေါ်တဲ့ ပိတ်စနဲ့ ချုပ်တဲ့ ခပ်နွမ်းနွမ်းပဲ ။ သူအမြဲ ကိုင်တာ ပလပ်စတစ်ခြင်းဟောင်းကြီး.......... ။ အဲဒီမှာသူ့ ရဲ့  တိုလီမိုလီတွေ အကုန်ပါတယ် ။ တစ်ခုခု ခိုးလုပ်ပြီးတိုင်း အခြေအနေမဟန်ရင်သူခြင်းကိုဆွဲပြီး.. လစ်ရော.. ။ အမေကသူ့ ကို အရမ်းဆူတာလေ....။
ဟား...ဟား.. အဲဒီအချိန်မှာကျမ.. ဒေါ်ကြီးလိုဝတ်ချင်တယ်... ။ ကျမက ရုပ်ခံလေးနဲနဲ..ရှိတယ် ။ မယုံရင်တော့လဲ မတတ်နိုင်ဘူး.. ။ ကျမ အဲဒီတုန်းက တီရှပ်အနက်နဲ့ ခြေမျက်စေ့ ထိရှည်တဲ့ စကဒ်အရှည်နဲ့ ... ။ ဒေါ်ကြီး အင်္ကျီမပါဘူးလား ကျမချမ်းလို့ ဆိုတော့ ဖလန်ထည်အပြာကွက်..... အနွေးထည်ပုံစံမျိုး ဘေးမှာအိပ်နှစ်ဖက် ကော်လာက ၀ိုင်းဝိုင်းလေး ဟောင်းတာမှ လက်ဖျားတွေ ချုပ်ရိုးပြုတ်ပြီး ဖတ်လပ်ဖြစ်နေတယ်..........။
ကျမ၀တ်ပြီး ကြယ်သီး အစေ့တပ်လိုက်တယ်........။ ဒေါ်ကြီးရဲ့ သရက်ထည် ထမီအနက်ရောင်ပေါ်မှာ အုတ်ကျိုးရောင် အပွင့်အကြီး အခက်ကြီးတွေ တပတ်နွမ်း ဒေါ်ကြီး ၀တ်နေကျပဲ......။ အဲဒါနဲ့ စကဒ်ကိုချိန်းလိုက်တယ်... ။ ဟား......ဟား...... ဘယ်နေရာမှာ အဲလိုတွေလုပ်နေလဲလို့ မယုံရင်သွားကြည့် ကမ္ဘာအေးဘုရားလမ်း နတ်မောက်လမ်းသွယ်လေးတွေထဲမှာ မှောင်လိုက်တာပိန်းလို့ လရောင်တော့ ရှိပါ့.......။
အနွေးထည် အောက်က ထွက်နေတဲ့ တီရှပ်အောက်ဖျားကို ထမိန်ထဲထည့်ဝတ်ပြီး ၊ ဆံပင်ရှည်တွေကို ကလစ်နဲ့ ခေါက်တင် ၊ ကျမလွယ်လာတဲ့ ပိုက်ဆံအိတ်ကို ကြွပ်ကြွပ်အိတ်နဲ့ ထုပ်ပြီး ဒေါ်ကြီး ခြင်းထဲကိုထည့် ပြီး ကျမခြင်းကို ဆွဲလိုက်တယ်..... မိုက်လိုက်တဲ့ စတိုင်...။
ပွဲဈေးကို ရန်ကင်းစင်တာရှေ့က ကားငှါးတယ် ။ ကားသမားက ပေစုတ်စုတ်နဲ့ ကျမတို့ နှစ်ယောက်ကို
ကြည့်တယ်.. ။ မိုးကောင်းဘုရားပွဲ ပျောက်နေလို့ ဘယ်လောက် ပေးရမလဲဆိုတော့.. နီးနီးလေး ဘယ်လို ဘယ်လိုသွားလို့ ပြန်ပြောတယ်....။
ကျမတို့ ရှာနေတာ ကြာနေပြီ....... ပို့ ပေးပါ.. ဆိုတော့ ၁၅၀၀ တဲ့ ။ ၁၀၀၀ ပဲယူပါ ပိုက်ဆံပေါလို့ မဟုတ်ဘူး ။ လမ်းပျောက်လို့ ပါဆိုတော့...... တက်တက်တဲ့ ..........။ ကားသမား စပ်စုတာတွေမဆုံးခင်ပဲ ဘုရားပွဲကိုရောက်လာတယ်......။ ကျမအကြိုက်ဒုတ်ထိုးဆိုင်မှာ ၀င်ထိုင်တယ် မီးအရှိန်နဲ့ ဟင်းရည်က အငွေ့ တစ်ထောင်းထောင်းပဲ... အဲဒီမှာ ကျမကလုပ်နေကျ အတိုင်း ဒုတ်ထိုးတွေ အူမကြီးတွေချည်းပဲ .... ကျမကြိုက်တာတွေကောက်ပြီး ပူနေတဲ့ ဟင်းရည် နေရာကိုထည့်တယ် ..။
ပြီးတော့ ကျမကိုပန်းကန် ထဲထည့်ပေးပါနော် ဆိုတော့ ပန်းကန်မရှိဘူးတဲ့ .... ။ ဘုရားရေ... ကျမကို ဆက်ပြောသေးတယ်.. ယူထားတာတွေ အကုန်လုံး ၅၀တန်တွေတဲ့ ဒီမှာတင်၂၀၀၀ဘိုးလောက် ရှိနေပြီတဲ့ ။
ကျမတစ်ကိုယ်လုံး မတ်ခနဲ တစ်ချက်ဖြစ်သွားတယ်...... ကျမထိုင်နေတဲ့ ခုံလေးက လှုပ်နေလို့ ခုံကိုနေရာပြင်လိုက်တဲ့ အချိန်မှာ ကျမ၀တ်ထားတဲ့ သရက်ထည်ထမိန်က ပန်းခက်ကြီးတွေက ကျမကို
ပြုံးပြနေတာကို တွေ့ လိုက်ရတယ်... ။:P
ကျမ ဟက်ဟက်ပက်ပက် ရယ်မောလိုက်ရင်း အမကြီး မပူနဲ့ ကျမတို့ အိမ်ရှင်က ဘောနပ်စ် ထုတ်ပေးလိုက်လို့ ကျမမှာ တစ်သောင်းကျော်ပါတယ် ၊ တစ်နှစ်လုံး ကျွန်ခံထားတာ (စင်္ကာပူနိုင်ငံကြီးကို မြင်ယောင်ရင်း) ၀က်သားဒုတ်ထိုး စားချင်လွန်းလို့ ကြွပ်ကြွပ်အိပ်ထဲက ပိုက်ဆံ တစ်ထောင်တန်တွေ မသိမသာနှိုက်ပြီး.. သူမြင်အောင် ယပ်ခတ်ပြလိုက်သေးတယ် ...။
ဒါပေမဲ့ ကျမကို ပန်းကန်လေးနဲ့ ထည့်ပေးဖို့ ရယ်.. ဂါလန်ပုံးထဲက အချဉ်ရည် အသစ်လေး ရေနွေးပန်းကန်လေးနဲ့ ဖြစ်ဖြစ် ထည့်ပေးပါနော်ဆိုတော့..... ရမယ်..ရမယ်... ။ လုပ်ပေးမယ်တဲ့ ......... ။
ဒေါ်ကြီးက ၀က်သားမစားဘူး ဘေးဆိုင်က မုန့်ဟင်းခါးမှာစားတယ်...။ ညီမ ဘာလုပ်တာလဲလို့ ဒုတ်ထိုးသည်ကမေးတော့ အိမ်ဖော်လို့ ဖြေရင်း..... နားထဲမှာ(လုပ်ရက်လိုက်တာမမ..ရယ်) လို့ အမေ့ အသံနားထဲမှာ ကြားယောင်လာလို့ အူမကြီး၂ခုပူးကို ဖိဝါးရင်း.. ကန်တော့ အမေလို့ ..စိတ်ထဲက ပြောမိတယ် ။
အိမ်ရှင်ကသဘောကောင်းလားတဲ့ ..ကောင်းတာတော့ ပြောမနေနဲ့ ကျမအမေလောက်ကို ကောင်းတာလို့ ပြောရင်း........။ တစ်သက်လုံး လူတကာကို စပ်စုလာတာရှိသမျှ ၀ဋ် အဲဒီနေရာမှာစုလည်တာပဲ................။
စားပြီးပိုက်ဆံ ရှင်းတော့ ၂၅၀၀ကျတယ်.. ။ ညီမလေး လျှောက်မသုံးနဲ့ စုပြီးရွှေဝယ်ထားတဲ့ ဟုတ်ကဲ့ အမလို့ ပြောရင်း.... ကျမရယ်တယ်.... (ရင်ထဲမှာတော့ရွှေဆိုတာ စုရတာမဟုတ်ဘူးရှင့်) ကပ်ရတာ ကပ်ရတာလို့ ခပ်တည်တည် ပြောရင်း ကျမ မျက်လုံးထဲမှာ ပြီးခဲ့ တဲ့ တနင်္ဂနွေနေ့ကမှ ရွှေတိဂုံဘုရားမှာ ကပ်ခဲ့တဲ့ ရွှေဆိုင်းတွေကိုတောင် မြင်ယောင်နေမိသေးတယ်..........။ ကောက်ညှင်းကျည်ထောက်၊ ထမနဲ ၊ ရေမုန့် ၊ ကရေကရာ.... အကုန်လျှောက်ဝယ် လျှောက်စားပြီး အိမ်ကို လမ်းလျှောက် ပြန်လာရင်း တစ်လမ်းလုံး ကျမ........ ဒေါ်ကြီးမသိအောင် ၀မ်းနည်းနေသေးတယ်......... ။ မနက် ၇း၀၀ နာရီ လေယာဉ်ကွင်းဆင်းရမယ် ။ ခြံထဲကို ကျမတို့ လူဝင်တဲ့ တံခါးပေါက်က ငုံ့ဝင်တော့ ကျမအဖေက.. ဘယ်တွေလျှောက်သွားနေတာလဲတဲ့ .. ။ ကျမ (ဖေဖေ့ကို မပြန်ခင်နောက်ချင်စိတ်နဲ့) နှုတ်ခမ်းကို လက်ညိုးနဲ့ကပ်ပြီး ..... ဖေဖေ..တိုးတိုး......... သူများတွေကြားရင် ဖေဖေမှာအန္တရာယ်ရှိတယ် ၊ ဆိုတော့ နင့်ပုံက ဘာပုံစံလဲ နင်ဘာတွေလျှောက်လုပ်နေတာလဲတဲ့ .. တိုင်းပြည်လွတ်လပ်ရေးပေါ့ ဖေဖေရာ... သူများတွေလျှောက်မပြောနဲ့ သမီးက ပြန်တော့မှာ အိမ်ထောင်ဦးစီး ဖေဖေ့မှာအန္တရာယ်ရှိတယ်.. ရုပ်ဖျက်ထားတာဖေဖေ.... ထောက်လှမ်းရေးတွေရှိလို့ ဆိုတော့ ဖေဖေကစဉ်းစားနေတယ် ။
ကျမအောက်ထပ်မှာပဲအကျီချွတ်စကဒ်ပြန်ဝတ်ပြီး အပေါ်ထပ်ကို ပြေးတက်လာတော့ မကြီးက ပစ္စည်းတွေသိမ်းနေတယ် ။ မလတ်က အာရုံဆွမ်းကပ်နေတယ် ..။ မငယ်က ဆိုဖါပေါ်မှာ နိုးပြီး ပြန်နှပ်နေတယ်.. အမေလဲရှိတယ်.. ။ အိမ်ကြီးက တိတ်ဆိတ်နေတယ် ။ ခါတိုင်းလို အဆူမခံရသလို.. ခါတိုင်းလို ကျမဟန်နဲ့ ပန်နဲ့ ပြန်မပြောသလို.. ။ ကျမပြောသမျှ နားထောင်ပြီး တစ်ဝါးဝါး ရယ်သံတွေလဲ ပျောက်ဆုံးနေတယ် ။ မလတ်ပေးတဲ့ နှင်းဆီ ၁၀၈ ပွင့် ပန်းစည်းကြီးနဲ့ ညက၀တ်တဲ့ တီရှပ်အနက်ကို ဂျင်းဘောင်းဘီနဲ့ တွဲဝတ်ရင်း မိဘနှစ်ပါးကို ကန်တော့တယ်.. ဒေါ်ကြီးကိုကန်တော့တယ်.......။ ကျမတို့ ညီအမလေးယောက် အားလုံးကို လက်ပြပြီး လေဆိပ်ကို ထွက်လာခဲ့ ကြတယ် ။ ကားပေါ်မှာသင်္ကြန်ကျရင် ငါတို့ နှစ်ယောက် နင့်ဆီ လာမယ်လို့ မကြီးနဲ့ မလတ်က ပြောတယ်... ။ မငယ်ကတော့ ခဏ..ခဏ လာတယ် ။ ဒီမှာသူ့ စီးပွားရေးလုပ်ငန်းရှိတယ် ... ။ ဒီတစ်ခါတော့ ငါတစ်နှစ်လောက်နေမယ်လို့ ကျမကိုပြောတယ်... ။ ကျမက.. အင်းပါလို့ ပြောရင်း နှင်းဆီပန်းစည်းကြီးနဲ့ ဗရုတ်သုတ်ခ အိတ်ကိုဆွဲပြီး... တာ့ တာ့ ..........လို့ ပြောတော့မကြီးငိုတယ်... ။ မငိုနဲ့ သင်္ကြန် လာခဲ့ လို့ ...... ပြောပြီး ကျမလှည့် ထွက်ခဲ့ တော့တယ်........။
ချစ်သောသူနဲ့ ကွေကွင်းရတဲ့ ဒုက္ခ္ခ... မချစ်မနှစ်သက်သော သူတွေနဲ့ အတူနေရတဲ့ ဒုက္ခ ကို တစ်ပြိုင်ထဲ ခံစားဘို့ လေယာဉ်ပေါ်ကို ကျမတက်လာခဲ့ ရတယ်။

မမ

Labels:


Posted by မမ :: 1:35 AM :: 4 Comments:

Post / Read Comments

---------------oOo---------------