မမ

Monday, February 23, 2009

မမနဲ့ ချစ်ချစ်




အဲဒီကောင်မလေး ကျမဒီဆိုင်မှာ မုန့်စားတိုင်း အမြဲဆုံနေကျ....။
ကချင်လွယ်အိတ်အစိမ်း ခပ်နွမ်းနွမ်းလေးလွယ်ပြီး ငေးငေးငိုင်ငိုင်နဲ့ တစ်စုံတစ်ရာကို စောင့်မျှော်နေတတ်တယ် .....။
သူဝတ်ထားတဲ့ အ၀တ်တွေက သူ့လွယ်အိတ်လို ခပ်နွမ်းနွမ်း......။
တစ်ခါတစ်လေ ကျောင်းဝတ်စုံနဲ့ ........။ အသားဖြူဖြူ မျက်နှာဝိုင်းဝိုင်းလေး..............။
ရှိလှ တစ်ဆယ့်နှစ် တစ်ဆယ့်သုံးပေါ့..........။ သူမျက်လုံးတွေက ခပ်ကြောင်ကြောင်............။
မြင်သလို မမြင်သလို မျက်လုံးမျိုး ........။ လက်ကလေးတွေ ခြေထောက်ကလေးတွေက ဖြူဖြူသန့်သန့်လေး .............။
ကျမမုန့် စားတိုင်း သူရှိနေတတ်တယ် ......... ။ ကျမမုန့် တစ်ဝက်လောက်ကုန်ပြီဆိုရင် အဒေါ်ကြီးတစ်ယောက် လာခေါ်ရော .............။ ကောင်မလေး ၀မ်းသာအားရ ထလိုက်သွားရော .........။
ကျမက အဒေါ်ကြီးလို့သာပြောတာ ပိန်လိုက်တာ ၀ါးခြမ်းပြားကိုထပ် အချောသပ်ထားတဲ့ ခန္ဒာကိုယ်ကို ထမိန်ပတ်ထားသလိုပဲ.............။
ဆံပင်နဲနဲလေးက ဖြူတစ်ဝက် နက်တစ်ဝက်နဲ့ ဖွာရာကျဲနေရဲ့ ..........။
တစ်နေ့ပေါ့ .......... မုန့် စားပြီးလို့ လ္ဘက်ရည်သောက်နေတုန်းပဲ..........ကောင်မလေးနဲ့ အဒေါ်ကြီး အထုပ်တွေ အပိုးတွေနဲ့ ရောက်လာတယ် .........။ ကျမ အိမ်ပြောင်းပြီထင်တယ်ဆိုပြီး လိုက်ကြည့်နေမိတယ် ....။ ကောင်မလေး မျက်လုံးတွေ မို့အစ်နေတယ်.....။
မျက်နှာတစ်ခုလုံးလဲ နီရဲနေသလို မျက်ရည်စတွေကိုလဲ ကျမမြင်နေရတယ် ........။ အရင်လိုပဲ ထိုင်နေကျ နေရာလေးမှာ သူထိုင်ကျန်ခဲ့တယ်........။
သမီး ဘယ်မှမသွားနဲ့  အမေပြန်လာမယ်လို့  ပြောပြီး အဒေါ်ကြီးထွက်သွားလေရဲ့......။
ကျမမုန့် စားရင်း ငေးကြည့်နေတယ်......။ ကောင်မလေး လူမသိအောင်ရှိုက်လိုက် မျက်ရည်သုတ်လိုက်နဲ့....... ။
မမ ဘယ်လိုမှ မစပ်စုရရင်ကို မနေနိုင်တော့တာ......။
ခုံပုလေးမှာ ထိုင်နေတဲ့ ကောင်မလေးအနား သွားရပ်တော့ ကျမကိုမော့ကြည့်လာတယ် ......။
ဘာလို့ ငိုနေတာလဲဆိုတော့ ကျမကို ခေါင်းခါပြတယ်.......။
သူခေါင်းခါတိုင်း ပါးပြင်ပေါ်က မျက်ရည်စီးကြောင်းတွေက ဘယ်ညာရွေ့  နေတယ်လို့တောင်ထင်မိတယ်.......။
ကျမက လာဆိုပြီး သူ့လက်ကိုဆွဲတော့ သူအတင်းရုန်းတယ် ......။
ကျမမုန့်စားတဲ့စားပွဲကို အတင်းဆွဲခေါ်လာတယ် .......။
သူ့ အထုပ်တွေ ကျမကောက်ကိုင်တော့ ထိတ်ထိတ်ပြာပြာနဲ့ မုန့် ဟင်းခါးရောင်းတဲ့ အဒေါ်ကြီးကို လှမ်းကြည့်တယ်...။
ကျမက အန်တီ သမီးသူ့ကိုမုန့်ကျွေးမလို့  ဟိုမှာထိုင်မလို့ ဆိုတော့..... ကျမကို သိနေတဲ့ အဒေါ်ကြီးက သွားထိုင် သွားထိုင် ဆိုတော့မှ ကောင်မလေး ထလိုက်လာတယ် ......။
ဘာမှတော့ကျွေးလို့ မရဘူး.....။
ဒါပေမဲ့ ကျမသိခဲ့ရတာတွေက သုံးနှစ်သမီးထဲက သူ့မိဘနှစ်ပါးက ကွဲနေတာတဲ့ ......။
သူက အဖေနဲ့ပါသွားပြီး...... အဒေါ်တွေနဲ့ မြင်းခြံမှာနေတာတဲ့ .....။
အခုသူ့ အမေက တရားနိုင်လို့  ညီအမနှစ်ယောက်ရှိတဲ့ထဲက သူကအမေနဲ့ရန်ကုန်ကို လိုက်လာခဲ့တာတဲ့....
ရပ်ကွက်ရုံးမှာ သူ့အမေက အောက်တန်းစာရေးတဲ့ .....။
သူတို့ သားအမိကို အဲဒီရုံးဘေးက မူလတန်းကျောင်းလေးမှာ ကျောင်းစောင့်မိသားစုနဲ့ အတူနေဘို့ ဥက္ကဌက ပြောပေးထားသတဲ့ ...။
အခု ကျောင်းနောက်ဘက်မှာ ဟိုတယ်အကြီးကြီးဆောက်ဖို့ မြေတူးတာ ကျောင်းလေးပြိုသွားလို့  အခု အားလုံးဖယ်ပေးရတာတဲ့ အမေက နေစရာသွားရှာတယ်တဲ့ ....။
သူ့နာမယ်က ချစ်ချစ်တဲ့ .....။ လူတွေ့ရင် ဘာနေ့သမီးလဲလို့ မေးတတ်တဲ့ကျမကို... ဗုဒ္ဒဟူးသမီးလို့ ဖြေလိုက်တဲ့အသံက ကျမရင်ကို အနက်ရှိုင်းဆုံး တိုးဝင်သွားခဲ့တယ် .....။
မမလေ သိတယ်နော် ကျမ အဲဒီကောင်မလေးကို အိမ်ကိုခေါ်ဘို့  အကြံထုတ်တော့တာပေါ့  ....
ကောင်မလေးက ရှစ်တန်းတက်ရမှာတဲ့ အိမ်ကလူတွေလက်မခံရင် ဘယ်လိုလုပ်မလဲ ....။
ကျမခေါင်းပူအောင် စဉ်းစားရင်းနဲ့ ပဲ တို့အိမ်မှာ လိုက်နေမလား ညီအမတွေချည်းပဲ .....
နေချင်ရင် ငါရအောင်လုပ်မယ်ဆိုတော့ ..... ကောင်မလေးမျက်ရည်တွေနဲ့ ကြောင်တောင်တောင် ကျမကိုကြည့်နေတယ် ....။
ကျမ လိပ်စာနဲ့ဖုန်းနံပတ်ရေးပေးပြီး ဘာဖြစ်ဖြစ် ငါ့ကိုဖုန်းဆက် ငါပြန်လာခဲ့မယ် ....ဆိုပြီး သူ့လက်ထဲကို ဖုန်းဆက်ဘို့  ပိုက်ဆံပေးခဲ့တယ် ။
တစ်လမ်းလုံး ခေါင်းခြောက်အောင်စဉ်းစားရင်း ထမင်းစားနေတဲ့ မလတ်ကို မျက်ရိပ်ပြပြီး တိုးတိုးလေး သတင်းထူး ပြောစရာရှိတယ် ဆိုတော့...လာခဲ့မယ်တဲ့ ....။
မလတ်လာတော့ ကျမကိုစိတ်ဝင်တစားနဲ့ ဘာထူးလဲတဲ့  ...။
ကောင်မလေး တစ်ယောက်ဒုက္ခရောက်နေတယ်.... နင်ကယ်မှဖြစ်မှာဆိုတော့ .... ဘာလို့လဲ....ဘယ်မှာလဲ ဘာနေ့သမီးလဲ တဲ့ .... တနင်္ဂနွေသမီး မို့လို့ နင်ကိုပြောတာပေါ့ ဗုဒ္ဒဟူးဆိုရင် အိမ်ပေါ်တောင် ရောက်နေပြီလို့.. ကျမခပ်တည်တည်နဲ့ ပြောတော့ .... ဟုတ်လားတဲ့  ....ဒ
ငါ ညာပါ့မလားဆိုပြီး ကောင်မလေးအကြောင်း ပိုပိုသာသာပြောပြတယ် ....။
နင်ရဲ့ ဖွားဖက်တော်တစ်ယောက် ဒုက္ခရောက်နေတာ မသိမှာစိုးလို့ သတင်းပေးတာပါ.... နင်စဉ်းစားလေ တတ်နိုင်တာတော့ အကုန်ကူညီမယ် ....။
အိမ်ကလူတွေထက် ကောင်မလေးအမေကြီးကို နင်ခေါင်းထဲ ပိုထည့်ရမယ် ပြီးရင် ကျောင်းထားပေးရမယ် စဉ်းစားလေ ဆိုပြီး မလတ်ကိုကျမ အကဲခတ်တယ် ။
အဲဒီကောင်မလေး အိမ်ပေါ်ရောက်တော့ မှာ ကျမသိနေပြီ ...။
စိတ်ထဲကတော့ မလတ်ရေ နှစ်ရက်ထဲကွာတာပါဟာလို့ တောင်းပန်မိတယ်.....။
မလတ်ကတနင်္ဂနွေ အဓိပတိဖွား ကျမက ဗုဒ္ဒဟူးရာဇ ....။
အဲလိုနဲ့ မလတ်သူငယ်ချင်းရဲ့  ညီမ၀မ်းကွဲလေး အိမ်ပြိုသွားလို့ ကျောင်းတက်ခါနီးဒုက္ခရောက် နေလို့ သုံးလလောက်အိမ်မှာ ခဏထားချင်လို့ .... ဆယ့်နှစ်နှစ် သမီးလေးဆိုတော့ အမေကဇဝေဇ၀ါ နဲ့ ခေါင်းငြိမ့်တယ်... ။
မလတ်ကို လှည့်ပတ်ပြီး ကျမမုန့်ဆိုင်လေးကို ပြေးတာပေါ့...။ ဟိုရောက်တော့ ကောင်မလေး ထိုင်နေတုန်း သူ့ အမေ ပြန်မရောက်သေးဘူး......။
ကျမကိုတွေ့တော့ကောင်မလေး မတ်တပ်ထရပ်တယ် ......။
ကျမပျော်သွားတယ် မုန့်ကျွေးတော့ စားတယ် ....။ ကျမနဲ့ အတူနေချင်တယ်တဲ့ .....။ ဒါပေမဲ့ အမေကပေးမှာ မဟုတ်ဘူးတဲ့........။
သူကမြင်းခြံမှာ အမှုဆိုင်တော့ သူ့မှာနေစရာရှိတယ်........။
ကျောင်းထားနိုင်တယ် ဘာညာပြောထားတာတဲ့ .........။
အခုသူများအိမ်မှာ ထားရတယ်ဆိုရင် မြင်းခြံက အဘွားတို့ကို ပြန်ပေးရမှာတဲ့ .........။
အဖေက နောက်အိမ်ထောင်နဲ့တဲ့........။ အဲဒါတွေ အကုန်ငါစီစဉ်မယ် .....။
နင်ပြောရမှာ အခုအချိန်ကစပြီး နင့်ကို ဘယ်သူမေးမေး တနင်္ဂနွေသမီးလို့ ပြောရမယ်ကြားလား......... ဆိုတော့ ချစ်ချစ်က ခေါင်းငြိမ့်တယ် .......။
မုန့်ဆိုင်ကအဒေါ်ကြီးနဲ့ ပေါင်းပြီးကျမတို့အိမ်မှာ နေစရာမရှိသေးရင် ခဏနေဘို့ပြောပေးမယ် .........။
သမီးမိန်းကလေးတွေချည်းပဲ .......။သဘောကောင်းတယ် ........ သမီးလိမ်မာရင် တစ်သက်လုံးတောင် နေခွင့်ရမယ် ဘာညာတဲ့ ........။
မုန့်ဆိုင်က အဒေါ်ကြီး နားချတာရယ် ။ သူအချိန်မရွေး ၀င်လို့ထွက်လို့ရမှာရယ်......... မိန်းကလေး ညီအမ တွေချည်းပဲရယ် .....။
လောလောဆယ် သားအမိနေစရာ ရှာမရတာတွေရယ် ရွေးချယ်စရာ မရှိတဲ့ ..... ဒေါ်ကြည်ဆိုတဲ့ လူတစ်ကိုယ်လုံး မာနကလွဲလို့ ဘာမှမရှိရှာတဲ့ ချစ်ချစ်အမေက......... သုံးလလောက် သမီးခဏနေ ။ အမေအိမ်ရတာနဲ့  ပြန်ခေါ်မယ်......။ ကျမသမီး အိမ်ဖေါ်မဟုတ်ဘူး နော်လို့ ...... အထပ်ထပ်ပြောရင်း ...... ဖြူဖြူစင်စင် မျက်လုံးပြူးကြောင်ကြောင်.... ၁၂.. နှစ်အရွယ် ချစ်ချစ် ကျမတို့ ကားပေါ်ပါလာတော့ အပျော်ဆုံးက ကျမပါပဲ....။
ဟား.. ဟား.. ဟား ... ညီမလိုချင်တဲ့ ကျမရဲ့အောက်မှာ ကျမနဲ့ နေ့နံတူတဲ့ ချစ်ချစ်ကိုကျမ အရမ်းချစ်ခဲ့တယ် ....။
အဲဒီ သားအမိ နှစ်ယောက်စလုံး ကျမတို့ ညီအမကို မရိုးနိုင်တဲ့ ဟာသတွေနဲ့ ဖြေဖျော်ခဲ့တယ်....။
ဘယ်သွားသွား ဘာလုပ်လုပ် အရာအားလုံး ချစ်ချစ်မှ ချစ်ချစ်....။
ဘာဝယ်ဝယ် ဘာစားစား ချစ်ချစ်အတွက် ပါစမြဲ ....။ သူငယ်ချင်းတွေနဲ့ တွေ့ရင်လဲ ချစ်ချစ်အကြောင်း အိမ်မှာနေလဲ ချစ်ချစ်နဲ့ တတွတ်တွတ် .....။ ဆံပင်ဖေါင်းဖေါင်းလေး ညှပ်ပေးပြီ ဂါဝန်အသစ်တွေနဲ့ တစ်သွေးတစ်မွေးဖြစ်လာတဲ့ ချစ်ချစ်နဲ့အတူ မနက်စားနေကျ မုန့်ဆိုင်မှာအတူထိုင်စားရတဲ့ အရသာက ချစ်ချစ်တော့မသိ ကျမအဖို့တော့ ကျမအဖို့တော့ အင်မတန်မှ ကျေနပ်စရာကောင်းတဲ့ အဖြစ်တစ်ခုပါဘဲ ....။
အိမ်နားက အလယ်တန်းကျောင်းလေးမှာ ကျောင်းအပ်ပေးခဲ့တယ်.....။
ဒါပေမယ့် ချစ်ချစ်အကြောင်း တစ်ဖြေးဖြေး သိလာတဲ့အခါ ချစ်ချစ်ဟာ ကျမတို့ အိမ်ရဲ့ ဟာသဇတ်ဆောင် တစ်ယောက် ဖြစ်မှန်းမသိ ဖြစ်လာခဲ့တော့တယ် ....။
တစ်နေ့ကျမစာဖတ်နေတုန်း ချစ်ချစ်ကော်ဖီ လာပို့တယ် ...။
ကျမနောက်မလှည့်ပဲ ဘယ်နှစ်နာရီထိုးပြီလဲဆိုတော့ ချစ်ချစ်ဆီက အဖြေပြန်မရဘူး ။
ကျမလှည့်ကြည့်တော့ တိုင်ကပ်နာရီ အကြီးကြီးကို အနားကပ်ပြီး သေသေချာချာ မော့ကြည့်နေတာတွေ့လို့ ....
ဟဲ့.... နင်ငါမေးနေတာ ကြားလားဆိုတော့ ကိုးနာရီခွဲတဲ့  ထိတ်ထိတ်ပြာပြာနဲ့ ဖြေတယ်....။
သိပ်မကြာဘူး မလတ်အခန်းက အော်သံထွက်လာတယ် ...။
ကော်ဖီကိုဘာနဲ့ဖျော်သလဲ .... ဘယ်သူဖျော်တာလဲဆိုတော့ .... ချစ်ချစ်ဖျော်သွားတာတဲ့.....။
သကြားနဲ့ အချိုမှုန့်နဲ့ မှားပြီး ဖျော်လာတာခဲ့တာတဲ့ ....။
သူက လုပ်ချင်ကိုင်ချင်စိတ်ရှိတယ် ....။ လုပ်တတ်တယ် ...။ ကောင်မလေးတွေ နဲ့ လုပြီးလုပ်တယ် ....။
ချစ်ချစ်သုတ်တဲ့ ပုရွက်ဆိတ်သုတ် ရှင်တို့ကို ကျွေးချင်တယ်.......။
သုတ်ထားတာ စားချင့်စဖွယ်လေး .....။ လ္ဘက်သုတ် စိုစိုလေး မျက်စေ့ကောင်းတဲ့ကျမတို့ သေသေချာချာကြည့်မှ ပုဇွန်ခြောက်မှုန့်ထဲက ပရွက်ဆိတ်နိုင်းချင်းကို တွေ့တာလေ.....။
ချစ်ချစ် ကျမတို့နဲ့ တသက်လုံး အတူနေချင်တဲ့အတွက် ..... သူကြိုးစားရှာတာ။
အမေကို အဖွား... အဖွား နဲ့ နင်းပေးရင် အိပ်ပျော်ပြီး ပြုတ်ကျလို့ အမေ့ခမြာ ခါးနာသွားလို့ ဆေးခန်းတပတ်လောက်ကို ပြယူရရော....။
သူ့ကိုကြည့်တာ ဘာလုပ်လုပ် စမ်းစမ်းစမ်းစမ်းနဲ့ ....။
တစ်နေ့ ကျမအိမ်က ကောင်မလေးတွေက လက်သည်းခြေသည်း ဆိုးပေးနေတာ...သူမြင်သွားတယ် ။
ရန်ကုန်သူတွေ လက်သည်းခြေသည်း ဆိုင်မှာဆိုးကြတယ် .....။
ပုံလှလှတွေ အရောင်စပ် ပုံဖေါ်ဆိုးတာ .... တစ်ခါဆိုးရင် တစ်ထောင် တစ်ထောင်နှစ်ရာပေးရတယ် (မနှစ်က ကျမပြန်တော့ ရိုးရိုးဆိုးရင် ခြောက်ထောင့်ငါးရာ.... ခြေသဲအတုတပ်
ပြီးနောက်ဆုံးပေါ် ဒီဇိုင်းဆိုရင် တစ်သောင်းနှစ်ထောင်တဲ့ ) ... ကျမတို့ သွားဆိုးရင် အိမ်က ကောင်မလေးတွေပါတယ် ....။ သုံးလေးခါလောက်လိုက်ပြီးရင် ၀ါသနာပါတဲ့သူက ခဏလေးနဲ့တတ်တယ် ...။
အိမ်ကကောင်မလေးတွေက လွယ်လွယ်လေး ကျမဆိုးတတ်တယ် ကျမဆိုးပေးမယ် ဆိုပြီး သူဆိုးပေးတော့ ... သပ်သပ်ရပ်ရပ်နဲ့ အတော်လှတော့ သူ့ကိုကျမတို့က ငါးရာပဲပေးလို့ရတယ် ........။
သူလဲ မုန့်ဘိုးရ........။ကျမတို့လဲ သက်သာပေါ့.......။ တစ်နေ့မလတ်ကို ချစ်ချစ်ကဆိုးပေးတယ်.....။
ရီလိုက်ရတာ ၀က်ဝက်ကွဲပဲ ......။တောင်ရောက်မြောက်ရောက် နှစ်ချောင်းပူးဆိုးလား ဆိုးထားရဲ့ တစ်ကယ်တော့ အဲဒီကောင်မလေးက မျက်လုံးအလွန်တစ်ရာ မှုန်တဲ့ကောင်မလေး တစ်ယောက်ဆိုတာ အဲဒီနေ့မှာ သေချာသွားတော့တယ် .....။
မျက်မှန်လုပ်ဘို့  ရွေဘုံသာလမ်းခေါ်သွားတော့ မျက်မှန်ကိုင်းရွေးနေတဲ့ ကျမနဲ့ အမလတ်နားကပ်ပြီး တိုးတိုးလေး ဖရိန်မပါတာ သူတတ်ချင်တယ်တဲ့ ....။
ကျမတို့ နှစ်ယောက် တစ်ယောက်မျက်နှာ တစ်ယောက်ကြည့်လို့ .... ပုံမှန်ငါးထောင်လောက်နဲ့ တတ်လို့ရမှာကို သူလိုချင်တဲ့ ဖရိမ်ပျောက်ကို သုံးဆလောက်ပေးပြီး လုပ်ပေးခဲ့တယ်.....။
သူကျမတို့ အိမ်ကနေရိုက်ချတောင် မဆင်းဘူးဆိုတဲ့ ဆုံးဖြတ်ချက်တွေနဲ့  အားလုံးရဲ့မေတ္တာကို သူကြိုးစားယူခဲ့တယ် ....။
အိမ်မှာအနေကြာတဲ့  ကောင်မလေးတွေက သူ့အကြောင်းအကုန် သိထားတော့ ကျမတို့ကွယ်ရင် သူ့ကို အကုန်ခိုင်းတယ် ၀ိုင်းပြီးနိုင်ချင်ကြတယ် ...။
ဒါပေမဲ့ ချစ်ချစ်က နေတတ်တယ်......။ အဲလိုနဲ့ ချစ်ချစ်တစ်ယောက် ဆယ်တန်းကို ရောက်လာတယ် ။
တစ်နေ့ပေါ့ ထမင်းစားနေတုန်း သူနာမယ်ပြောင်းချင်တယ်တဲ့.....။
ကျောင်းမှာ ခဏခဏ အစခံရလို့တဲ့...... သူရွေးထားပြီးပြီတဲ့ .... ။
ကျမတို့ကို သူရွေးထားတဲ့ နာမည်ကိုပြောတော့ ကျမတို့ ညီအမ တအံ့တသြ ဖြစ်မိတယ် .....။
"ရတနာရင်ကြူ "တဲ့  သတင်းစာထဲမှာ တစ်လက်မ တစ်ကော်လံခွဲနဲ့ ပါလာတဲ့ အမည်ပြောင်းတဲ့ ကြော်ငြာလေးကို မိတ္တူကူး သူငယ်ချင်းတွေက်ို ဝေရတာ သူ့မှာအမော တစ်အိမ်လုံး တစ်မျိူးလုံးကတော့ ချစ်ချစ် ပါပဲ ....။
အဲလိုနဲ့ ဆယ်တန်းရောက်လာခဲ့တယ် .....။
ကျူရှင်တွေပေး စာသင်ဝိုင်းတွေမှာ လိုက်သင်ရင်း ဆယ်တန်းတဖုန်းဖုန်းနဲ့ သုံးနှစ်ကျပြီးတဲ့နောက်မှာတော့ သူအိမ်ထဲ ရောက်သွားတယ်.....။
အသားဖြူဖြူ ကိုယ်လုံးသွယ်သွယ် မျက်မှန်လေးနဲ့ ချစ်ချစ်က ကျမတို့ စီးပွားရေးမှာလဲ ခိုင်းလို့မရ ...။
နောက်ဆုံးသူ ဘာဝါသနာပါလဲလို့ မေးတော့အလှပြင်ဆိုင်တဲ့......။
သူက အူကြောင်ကြောင်ဆိုတော့ သူငယ်ချင်းဆိုင်မှာ သူ့ကို အပ်ပေးလိုက်တယ် ...။
သူငယ်ချင်းကလဲ လူယုံကောင်းကောင်းရပြီဆိုတော့ အကုန်သင်ပေးတာ ....။
အနီးကပ်ကိုထားတာ သူဝါသနာပါတဲ့ အလုပ်ကိုလုပ်ရင်း ချစ်ချစ်တစ်ယောက် တစ်ဆိုင်လုံးမှာ အရေးပါတဲ့ သူတစ်ယောက်ဖြစ်လာခဲ့တယ် ...။
အဲဒီမှာပဲ သူနေတယ် မျက်ကပ်မှန် နဲ့ မျက်တောင်လေးတွေကော့.....။
နောက်ဆုံးပေါ် ဆံပင်ပုံစံ ခြေသည်းလက်သည်း လှလှလေးတွေ ဆိုးထားတဲ့ ရတနာရင်ကြူဆိုတဲ့ ကောင်မလေးဟာ တချိန်တုန်းက လမ်းဘေးမုန့်ဟင်းခါးဆိုင်လေးက ခုံပုလေးမှာ ထိုင်ရင်း အနာဂါတ် ပျောက်နေခဲ့ဘူးတယ် ...။
သူနဲ့ ပတ်သက်တဲ့ ဟာသတွေထဲက တစ်ခုပြောပြမယ် ...။
ကျမနဲ့ ဘုရားမှာ အတူတူ ပုတီးစိတ်ဘို့ သူလိုက်မယ် စာမေးပွဲနီးနေလို့တဲ့........။
ဘုရားမှာ နေ့နံတူတော့ အတူတူ ထိုင်ဖြစ်တယ် ....။
ကျမက ချစ်ချစ် ဘာစိတ်မှာလဲဆိုတော့ ဂုဏ်တော်တဲ့.........။
ပုတီးနှစ်ဆယ့်ခုနှစ်ပတ်တဲ့......... ဗုဒ္ဒေါလို့ ကျမ တမိတယ် ........။
ကျမက အရဟံပဲစိတ်မှာ လေ ........။
မစိတ်နဲ့လို့လဲ ပြောလို့မဖြစ်........။ ငါပြီးရင် အကြာကြီးစောင့်နေရမှာလို့ ကျမတွေးပြီး........ ပြီးရင် ကား ထဲမှာပဲ ရှိမယ်လို့ ကျမသူ့ကို ကြိုပြောထားလိုက်တယ် ........။
အဲလိုနဲ့ ကျမပြီးတော့ အောက်ဆင်းပြီး ကားထဲက စောင့်နေလိုက်တယ်..... ။
ကျမရောက်ပြီး ဆယ်မိနစ်လောက်မှာ ချစ်ချစ် ကားနားကို ပြန်ရောက်လာခဲ့တယ်....။
ကျမအံ့သြသွားတယ်........။ ပြီးပြီလား ဆိုတော့ .... ဟုတ်ကဲ့ မမတဲ့ ဘာစိတ်လဲဆိုတော့ ဂုဏ်တော်စိတ်တာ တဲ့....။
ဘယ်နှစ်ပတ်လဲလို့ ကျမထပ်မေးတော့ နှစ်ဆယ့်ခုနှစ်ပတ်တဲ့.....။ ကျမလဲ ဇဝေဇ၀ါနဲ့ ကားမောင်းနေရင်း ပုတီးလွတ်စိတ်ကြည့်တော့ မဖြစ်နိုင်ဘူးရှင့်........။
ချစ်ချစ်ကို ဂုဏ်တော်တစ်ပါးကို ပုတီးတစ်လုံးကျလား ဂုဏ်တော်ကိုးပါးတစ်လုံးလားဆိုတော့ .......။ အင်း.....တဲ့ ...။
ဘာအင်းလဲ ..... နင်ဘာစိတ်ခဲ့သလဲ ဆိုတော့......... ဂုဏ်တော်လေတဲ့........။
ငါသိတယ် ဘယ်လိုစိတ်လဲ မေးနေတာ ဆိုတော့ မျက်ရည်က၀ိုင်းနေပြီ ကျမမေးတာကိုရပ်ပြီး အိမ်ရောက်တော့ မှ လူစုံတက်စုံရှေ့မှာ ထပ်မေးပြန်ရော.........။
အမေက ဘာဖြစ်လာကြပြန်ပြီလဲတဲ့........။ ဂုဏ်တော်ပဲအော်နေတဲ့  ချစ်ချစ်ကို မလတ်က ရော့ဆိုပြီး ပုတီးပေးတယ် ။
ဘုရားစင်ရှေ့မှာ သွားထိုင် ဘုရားပေါ်မှာစိတ်ခဲ့တဲ့အတိုင်း အသံထွက်ပြီးစိတ် ဆိုတော့ ပုတီးလေးယူပြီး ဘုရားစင်ရှေ့သွားထိုင်တယ် ......။
မလတ်က ကျယ်ကျယ်ဆို ဘုရားစာဆိုတာ ဘာမှမဖြစ်ဘူးလို့ ပြောတော့ ကျမလဲ မျက်တောင်တစ်ချက်မှမခတ်မိအောင် စူးစိုက်ပြီးနားထောင်နေတယ် ချစ်ချစ်ရွတ်နေတာကိုကြားတော့ ကျမတို့ အံ့သြလွန်းလို့  မှင်တက်မိနေတယ်.......။
နောက်မှ ကျမကစပြီး တစ်ဟား ဟား အော်ရီတာ........။
အဖေအမေ အိမ်ရှိလူကုန်ပါဆို.......။
သူ မပြီးနိုင်မစီးနိုင် ရွတ်နေတာကတော့ .....ဂုဏ်တော် ...ဂုဏ်တော် ...ဂုဏ်တော် ....ဂုဏ်တော် ...ပါတဲ့ရှင်...။
မလတ်ကတော့ တစ်ဟားဟားရီရင်း စတွေ့တဲ့နေ့ကတည်းက ဘယ်လိုမှ တနင်္ဂနွေ သမီးမဟုတ်တာ သိပါ့ မမရယ် .....။
နင်ရဲ့ဖွားဖက်တော်က တော်ချက်ဟယ်လို့ ...... ထောပဏာပြုလေရဲ့ ..........။
ကျမပြောချင်တာ ၀ါသနာပါရာကို လုပ်ခွင့်ရခဲ့မယ်ဆိုရင် ချစ်ချစ်လိုကောင်မလေးမျိုးတောင် နေရာတစ်ခုရတယ် ဆိုတာပါပဲ။

စာဖတ်သူ အားလုံးကို အစဉ်လေးစားလျက်


မမ

Labels:


Posted by mama :: 6:58 PM :: 18 Comments:

Post / Read Comments

---------------oOo---------------