မမ

Thursday, April 23, 2009

စင်ကာပူက မကျွတ်မလွတ်သူ (၂)




pictures from here.

ကျမတို့ အိမ်ကအတော်ကျယ်တယ်။ စလုံးစကားနဲ့ပြောရရင် ဖိုက်ရွန်းဖလက်(five rooms flat) ပေါ့ရှင်...။ အိမ်မှာနေတာ အူကြောင်ကြားတွေ .... အကုန်လုံးက ကွန်ပျုတာဘေးနေ ကွန်ပျူတာဘေးစားတွေ(ဟီး..လမ်းဘေးနေ လမ်းဘေးစား)လိုမျိုး ပြောတာနော်။
ကျမတို့အိမ်မှာ ရှိတဲ့သူတွေများ ဘယ်လောက်လူမှုဆက်ဆံရေး ကောင်းသလဲလို့....
တစ်နေ့ပေါ့ အိမ်ကိုလူကြုံ ပစ္စည်းလာပေးတယ် ။ ဘဲလ်တီးတော့ တံခါးနားရောက်နေတဲ့ သူကဖွင့်ပေးလိုက်တယ် ။ ကောင်လေးကလဲ ဝင်လာပြီးဧည့်ခန်းမှာ ထိုင်နေတယ်။
အဲ.... ဖွင့်ပေးတဲ့သူက သူ့အခန်းပြန် ကွန်ပျူတာရှေ့ထိုင်လိုက်တာ ညနေစောင်းရော။
လူဝင်လူထွက်လဲမရှိ ကိုယ့်အခန်းကိုဝင်နေတာ ညနေရုံးဆင်းလို့ ပြန်လာတဲ့သူ တံခါးဖွင့်မှ အဲဒီ ကောင်လေးကငိုသံပါနဲ့ ကျနော်ကိုတံခါးဖွင့်ပေးပြီးကထဲက အိမ်ထဲဝင်သွားတာ လူဆိုလို့ အမပြန်လာမှတွေ့ရသတဲ့ ။ ကျမတို့မှာ ကောင်လေးကြည့်ပြီး ရယ်လိုက်ကြတာဝက်ဝက်ကွဲ တံခါးဖွင့်ပေးပြီး သော့လဲပြန်ပိတ်ထားတယ် ။ လူအရိပ်အယောင်တောင်မတွေ့တော့ ဘယ်အခန်းတံခါး ခေါက်ရမှန်းလဲမသိ ပြန်ထွက်လို့ လဲမရတဲ့ရှင်..။ အဲလို ဆက်ဆံရေးတွေက ပြေပြစ်ကြတာလေ ။ ဖုန်းခေါ်တော့ အိမ်ဖုန်းကသူ့ အနားတင် ကပ်မြည်နေတာ ကိုင်မဲ့သူမရှိဘူးတဲ့ အဖြစ်က ငိုအားထက်ရယ်အားသန်ပဲ ။ အမရေ... အမရေ ခေါ်တော့လဲ ပြန်ထူးသံလုံးဝမကြား ရဘူးတဲ့ ။ အီးယားဖုန်းတွေ တပ်ပြီး စာလုပ်နေကြတာတဲ့ရှင်..ဖြစ်ပုံများ...။ ကျမတို့ ဧည့်ခန်းမှာ အနက်ရောင်လည်သာ ဆိုဖာနှစ်ယောက်ထိုင်တစ်လုံး သုံးယောက်ထိုင်တစ်လုံး ရှိတယ် သုံးယောက်ထိုင် ဆိုဖာနောက်မှီ တစ်လုံးကို ခေါင်းအုံးပြီး တစ်လုံးကို ဖက်လုံး လုပ်လိုက်ရင် ဆိုဖာကြီးက ကျယ်ကျယ် ၀န်းဝန်းနဲ့  ဟိုဖက်ဒီဖက်တောင် မှလှိမ့်လို့ ရသေးရှင်။
ဟီး အဲဒါ ကျမအပိုင်ယူထားတဲ့နေရာပဲ Sony VAIO ပေါင်တင်လေး ကို ဗိုက်ပေါ်တင်လိုက်ရင် ပွဲကပြီးနေပြီ။
အဲဒါ ကျောချရတော့မယ့်အချိန်ကို ပြောတာနော် ။ ကျန်အချိန်တွေက ဆိုဖာကြီးနဲ့ ကပ်ရပ်ဝရန်တာလေးမှာ ကျမစားပွဲလေး ရှိတယ် တစ်နေ့ ကုန်ထိုင်ပြီး တစ်စိမ့်စိမ့်ကြည့်ပဲ။အဲဒါကြောင့်ပြောတာ ကျမတို့ ဘဝ ကွန်ပျူတာဘေးအိပ် ကွန်ပျူတာဘေးစားတွေပါဆို။
ညဆိုအားလုံး အခန်းထဲဝင်သွားရင် ကျမကဝရန်တာက စားပွဲလေးမှာ စာရေး သီချင်းကြိုက်သလိုဖွင့် တစ်အိမ်လုံးကျမ တစ်ယောက်ထဲ ကျန်သူတွေကအခန်းထဲဝင် လုံးဝကိုလက်လျှော့ရပြီဆိုတဲ့ အခြေအနေ ရောက်ရင် ဆိုဖါကြီးပေါ်ဂျွမ်းပစ်လိုက်ယုံပဲ..။ မလတ်ကလဲ အကြိုက်ပဲ ကျမကဝင်လိုက်ထွက်လိုက် လုပ်လွန်းလို့ သူအိပ်ရေးပျက်သတဲ့။
ကဲ..... အပေအတေပါဆို..ယုံကြပြီလား အဲလို ။ တစ်ယောက်ထဲ ဖြတ်သန်းလာတဲ့ မမရဲ့ဘဝထဲကို နောက်အပေအတေ တစ်ယောက်ထပ်ရောက်လာတာက ခန္ဒာကိုယ်မမြင်ရတဲ့ ဝိဥာဉ်လေ....။ သူရှိနေတာ မမ မသိပါဘူး ။ စိတ်လဲမဝင်စားဘူး သီချင်းတွေနဲ့ ဆူညံနေတော့ သူလဲမမကို ဟန်ရေးပြရတာ ပင်ပန်းလာတယ်ထင်တယ် ။
ကျန်တဲ့သူတွေ ဘက်ကိုလှည့်တော့တာပဲ အဲ... ထူးဆန်းတာက အဲလူက တစ်နေ့လုံးအေးဆေးပဲနော် တစ်ပတ်မှာတစ်ရက်တော့ သူ့ရဲ့အော့ဖ် ထင်တာပဲ ။ အဲဒီအကြောင်းနောက်မှ ပြောမယ် ။ ဒီလိုနဲ့ သူငယ်ချင်းတစ်ယောက်ရဲ့ ညီမလေးရောက်လာတယ် ။ မမနဲ့ပဲနေမယ် စိတ်ကူးတယ်လို့ ဆုံးဖြတ်ချက်ပိုင်ပိုင် နိုင်နိုင် ချပြီးလာတာ ။ ချော့မရခြောက်မရရှင့် ။ နေရာမရှိတော့ဘူးဆိုလဲ အင်း.... ဖြစ်သလိုနေမယ်ပဲ။
အဲ ကျမတို့က ဖိုက်ရွန်းဖလက်ဆိုတော့ နောက်မှာစာကြည့်ခန်းတစ်ခန်း ပါသေးတယ်ရှင့် ။ အဲဒီမှာသူနေမယ်ပေါ့ ။ စာကြည့်ခန်းထဲကို အဲဒီဘီဒိုကြီးထည့်ပေးလိုက်တယ်..။ စိတ်ကြိုက်သုံးပေါ့ ။ ကျမက စာဖတ် စာရေးအလွန်ဝါသနာထုံပေမဲ့ စားပွဲမှာငြိမ်ငြိမ်ထိုင်ရမှာ သေမလောက် ကြောက်တဲ့သူ ။ စာဖတ်ခန်းထဲ စတိုင်မလိုင်အပြည့် နဲ့ စာရေးဘို့ စာဖတ်ဘို့ထက် ကြုံသလိုတွေး ကြုံသလို ရေးတတ်သူလေ ။ ထားပါ အဲဒီအထဲ စာအုပ်ယူ စာအုပ်သိမ်းကလွဲလို့ ဝင်စာဖတ်နေတာလဲ မရှိတော့ မချောလေးနဲ့ ဘီဒိုကြီးနဲ့ ဇာတ်လမ်းတွေ စကြတော့တယ်။
တစ်နေ့ ပေါ့ ကောင်မလေးက ဘီဒိုကြီးထဲအင်္ကျီတွေ ထည့်လိုက် ဘီဒိုကြီးကအင်္ကျီတွေ အပြင်ပြန်ထုတ်လိုက် နဲ့ သုံးကြိမ်မြောက်လောက်ကျတော့ ကောင်မလေးက မမ ကျမအင်္ကျီတွေ မရှင်းနဲ့တဲ့ ၊ ဗုဒ္ဒေါရေ ဘာသာတောင် အချိန်ယူရှင်းဘို့  အနိုင်နိုင်ကို အမေးခံရတာ ဂုဏ်ရှိပေမဲ့ မဟုတ်ဘဲနဲ့တော့ ငြိမ်မနေနိုင်ပါဘူး ။ အာ... ဘာလို့ ရှင်းရမတုန်းလို့  ကျမကပြောတော့ ကျမအကျီတွေ အပြင်ရောက်ရောက်နေတာ သုံးခါလောက်ရှိပြီတဲ့ ။
အိမ်ရှိလူကုန်က တစ်နေ့တစ်မျိုးဂေါက်နေကြတဲ့ သူတွေဆိုတော့ သူလဲဂေါက်မျိုးနွယ် ပေပဲလို့ စိတ်ထဲက ကြိုဆိုလိုက်ရင်း မမလဲဘာသိဘာသာပဲ နေလိုက်တယ် ။
နေ့လည်တစ်နေ့မှာတော့ တစ်အိမ်လုံး စာဂျပိုးကလွဲလို့ အပြင်ထွက်ကြတယ် သူက အခန်းတံခါးပိတ်ထားရင် ဘဲလ်သံမကြားမှာ စိုးရိမ်ပြီး အခန်းတံခါးဖွင့်ပြီး စာလုပ်နေလေရဲ့။ ကျမတို့ အိမ်မှာအိမ်စောင့်ရှိတော့ ဘယ်သူမှ သော့ယူတဲ့ အလေ့အထ မလုပ်ကြဘူး ။ ဘယ်အချိန်ပြန်လာလာ တံခါးဖွင့်ပေးမဲ့သူရှိတော့ သော့မယူကြဘူး ။ ဘဲလ်တီးလဲ ကြုံတဲ့သူကဖွင့်ပေးကြတယ် ။

Labels:


Posted by mama :: 12:09 AM :: 5 Comments:

Post / Read Comments

---------------oOo---------------